●Bi’gvaq, Vujmingz Yen saedyienh suijcanj cu muz dajciengx canjyez canjciz 52 ik maenz, doengzbeij demhwnj 9.6%, ciemq daengx yienh nungzyez cungjcanjciz 55.5%, daih’it baez mauhgvaq 55%, ciemq nungzyez dingzlai bae; nungzminz dajciengx moix boux souhaeuj 2400 maenz, doengzbeij demhwnj 5.1%, ciemq nungzminz gij souhaeuj wnq 33% doxhwnj, neix baenz diuz roen hung hawj nungz- minz demsou he. (Lij Yinzgez)

●Geij ngoenz gonq, youq 2012 Cungguek Lijyouz Binjbaiz Doigvangq(Gvangjcouh) Funghvei miz siusik ndei okdaeuj, Nanzdanh Yen ndaej heuhguh“Cungguek dieg ceiq ndei guh minzcuz yenz- swnghdai lijyouz”caeuq“Cungguek dieg ceiq ndei guh swnghdai youqndwi lijyouz”.(Couh Hinh)

●Duenh neix, vih hawj ranz- ranz rox dangj Cibbet Daih cing- saenz, Yinhcwngz Yen giethab gij cingzgvang dieg saujsu minzcuz comzyouq, okmoq senhconz hingz- sik, aeu“hag、gangj、ciengq”hingzsik yiengq minzcuz ginzcung senhconh dangj Cibbet Daih cingsaenz, saedyienh dangj Cibbet Daih cingsaenz gangj doh caez.(Veiz Meijyangh)

●Daj haeuj seizdoeng daeuj, Denhdwngj Yen Sangyingj Yangh minzcwngban cizgiz guh hong fat- cuengq doxgaiq gvaqdoeng, bauj ginzcung ranzhoj ndaej raeujrup gvaqdoeng. Daengz dangqnaj, aen yangh neix gungh fat denz 97 fan, riep 97 fan, ndangdaenj 975 dauq, guhsat fatcuengq cungjsoq 65%.(Vangz Lilanz)