Gaenh bi daeuj, Bingznanz Yen cujyau aeu“sam ciu”daeuj fazcanj vwnzva minzcuz ndawbiengz, cwngz- yau yienhda.

Ciu daih’it dwg ginzcung guh bouxcawj. Bingznanz Yen doenggvaq gyadaih cwngfuj roengz ngaenz、ceng- aeu baihgwnz cihciz、fatdoengh ndawbiengz comz cienz daengj cosih, gensez vwnzva cangzsoj, bangfuz vwnzyidui ndawbiengz, ciengzseiz gawjbanh vwnzyi hozdung. Dangqnaj, daengx yienh gij vwnzyi se(duenz) gingciengz youq ndawsingz lajmbanj yienjok haenx couh miz 56 aen.

Ciu daihngeih dwg vwnzva haeuj hawciengz. 2003 nienz, Bingznanz Yen laebbaenz Bingznanz Vazyi Bauhgungh Vwnzva Youjhan Gunghswh Heiq- duenz Heiqgovaiz, caemhcaiq caeuq Gvangjsih Ginhvanh Denswj Yinhsieng Cuzbanjse doxgap, dawz gij heiqmoeg yienjok haenx ingjguh debheiq okbanj fathengz. Heiqduenz bi yienjok 300 lai ciengzbaez. Dangqnaj, aen gunghswh neix gaenq ingjguh Heiq- govaiz 235 bouh, fathengz debheiq Heiqgovaiz 200 lai fanh mbaw.

Ciu daihsam dwg cwngfuj lai fuzciz. 2011 nienz, yienh caizcwng roengzngaenz 30 lai fanh maenz yungh daeuj guh sihswz hozdung, bi- gvaq youh demgya daengz 200 lai fanh maenz, caezcienz sihswz vwnzva yinggen nem yenjgen sezsih.

(Goh Yungjcungh)