Yangzsoz Yen Fuzli Cin Lungzveij Cunh dwg Yangzsoz Yen dieg Yauzcuz beixnuengx comzyouq ndeu. Gizneix, yienznaeuz swyenz vanzging mbouj ndei, hoeng gyoengq beixnuengx Yauzcuz gaenxhong、simsienh、ndiepgyaez swnghhoz, baez daengz ngoenzciet, beixnuengx Yauzcuz couh roq gyonghwet, eu fwen diuq foux, angq hoh ngoenzciet. Moix bi ndwencieng gaxgonq, gyoengqde couh ngauz laeuj gaj mou, guh nohlab saejlab, angq coux ndwencieng. Seizneix, Yauzcuz vwnzva lai cungj lai yiengh youh miz noengzned daegsaek neix fatrongh wenjlwenq, riuz doh lajmbwn.(Siujyenz)