●1 nyied 19 hauh, Sanh- gyangh Dungcuz Swciyen youq Linzhih Yangh Mbanjgvansiuj gawjbanh 2013 nienz vwnzva hawj vunzlai souh’ik—mienxfeiq soengq doiqcin roengz mbanj hozdung, 20 boux suhfazgyah yienhciengz gaem bit sij saw, soengq 1000 lai fuk doiqcin hawj ginzcung dangdieg.

(Yangz Mingz Gungh Bujgangh)

●1 nyied 22 hauh, Nanz- ningz Si Minzveij、Nanzningz Si Saujsu Minzcuz Lenzyizvei cujciz Nanzningz Si Saujsu Minzcuz Lenzyizvei veiyenz daengz Sang- linz Yen Cinhih Yauzcuz Yangh gaihcanj gohgi、veiswngh、vwnzva roengz mbanj hozdung, fat 200 lai faenh swhliu gvendaengz gohgi nem veiswngh haenx nem sij gyawj 250 fuk doiqcin hawj ginzcung mbanj Yauzcuz.

(Liuz Yizningz)

●1 nyied 24 hauh, Bwzswz Si Yougyangh Gvangvugiz dawz 50 fan“denz aisinh”moq fathawj Lungzlinz Gak Cuz Swciyen Dwzngoz Yangh 50 hoh ginzcung saujsu minzcuz ranz gungzhoj haenx, hawj gyoengqde simraeuj gvaq doeng.

(Loz Mingzgauj)

●1 nyied 26 hauh ban- haemh, Swcigih Vwnzva Dingh“soengq vwnzva、soengq cihsiz、ciengqgo diuqfoux haeuj yanghcin”vwnzyi vanjvei youq Fuzsuih Yen Gizgiu Cin Laili Cunh gawjhengz, 14 aen cezmuz gig ndeiyawj haenx hawj vunzlai ndaw cunh yawj dwk sim angq naj riu.

(Liengz Cenzdungh)

●Bi’gvaq, Denhdwngj Yen fat boujdiep hawj 2173 boux dangj cihbu suhgi ndaw mbanj、cunhminz siujcuj cujcangj. Gij boujdiep byauhcunj dwg: Ndaw mbanj cihbu suhgi moix boux moix ndwen 45 maenz, cunhminz siujcuj cujcangj moix boux moix ndwen 35 maenz.

(Vangz Lilanz Vangz Dasin)