Bi’gvaq, Yizcouh Si roengzrengz guh hong fuzvu saujsu minzcuz, aeu lai hangh cosih doidoengh saujsu minzcuz fuzvu dijhi mboujduenh caezcienz, vih saujsu minzcuz ginghci nem sevei fazcanj daezhawj cihciz.

It dwg roengzrengz cauxguh sevei fwnveiz minzcuz doxgiet. Laeb- baenz si minzcuz doxgiet senhconz gyauyuz hozdung lingjdauj gihgou, cienzmienh gyagiengz lingjdauj nem cazyawj hong minzcuz doxgiet senhconz gyauyuz. Aeu“ndwen senhconz minzcuz doxgiet cinbu”guh gihvei, gaihcanj soengq gohgi、vwnzva、veiswngh daengz mbanj saujsu minzcuz comzyouq haenx.

Ngeih dwg bangfuz doenghboux saujsu minzcuz haemq nyieg. Cizgiz yiengq minzveij baihgwnz ceng’aeu cienzngaenz cienhangh bangbouj hawj doenghboux hagseng saujsu minzcuz maenhndei; fat cienzngaenz bangbouj hawj doenghboux hagseng saujsu minzcuz ndaw minzcuz cunghyoz. Doenggvaq gawjbanh beiz- yinbanh、vatgud ciuyez sinsiz、“giet doih caez guh”daengj cosih, mizyauq dwk coicaenh saujsu minzcuz ginzcung ciuyez caiq ciuyez.

Sam dwg henhoh saujsu minzcuz habfap gienzleih. Bi’gvaq, gungh vih 23 boux hagseng saujsu minzcuz banh gij saeh gaij minzcuz cwngzfwn, hawj gyoengqde camgya cunghgauj、gauh- gauj ndaej gya faen daezhawj baenghgawq.

Seiq dwg gyavaiq fazcanj mbanj saujsu minzcuz comzyouq. Bi’gvaq, Yizcouh Si roengz 16 fanh maenz guekgya saujsu minzcuz fazcanj gihginh haenx, youq aen si neix Fuzlungz Yauzcuz Yangh Dingmanj Cunh Mbanjgyahbanh guh goeng- loh, seizneix gaenq guhsat lo. Yienghneix, aen si neix doenggvaq bang gij mbanj saujsu minzcuz comzyouq haenx gensez gihcuj sezsih, coicaenh le ginghci sevei fazcanj.

Haj dwg guh ndei hong fuzvu nem guenj doenghboux saujsu minzcuz liuzdung haenx. Cujciz gyoengqvunz ndaw segih nem mizgven danhvei daengz dieg doenghboux saujsu minzcuz liuzdung comzyouq haenx, liujgaij gij cingzgvang gunghcoz nem swnghhoz gyoengqde, gibseiz daez- hawj yihliuz bangcoengh, coengh banh cancucwng nem giva swnghyuz cwngmingz, hezdiuz gaijgez lwgnyez haeuj hagdangz vwndiz.

Roek dwg gyagiengz beizyangj nem yungh ganbu saujsu minzcuz. Bi’gvaq, aen si neix cujciz bumwnz doi senj 200 lai boux ganbu saujsu minzcuz camgya gak gaep gak loih beizyinbanh, hawj gyoengqde ndaej daezsang cunghab suciz.

(Cwngh Siujmeiz)