(接上期)

Sai:Rox de duz maz iu，

Mboujliuh roeb nuengxlwnz；

Gekliz boux mbiengj mbwn；

Mboujliuh fungz mwngz doih.

男：不知谁约定， 在此逢妹金；

相隔半边天， 不料遇妹银。

Mbwk:Daihgya cungj mboujliuh，

Lumj iu daeuj raen naj；

Gou dem mwngz beix ha，

Hauj guhmaz vuenheij.

女：大家没料见， 像约来会面；

我和阿哥呀， 尽情乐翻天。

Sai:Dingq gij vah nuengx gangj，

Hailangh dangq vayungz；

Ngoenzneix daeuj doxfungz，

Aensim yungz baenz faiq.

男：听妹这番话， 笑脸美如花；

今天能相逢， 心倍感荣华。

Mbwk:Dingq gij vah beix gou，

Rang baenz laeuj oemq gang；

Daeuj daengz neix doxnyangz，

Gangj diemzvan baenz ndwq.

女：听阿哥开腔， 香似酒正酿；

来到此相会， 话甜如蜜糖。

Sai:Ngoenzneix daeuj daengz neix，

Roeb byaleix diuq vaengz；

Daengz neix nyangz mwngz

ngaenz，

Gangj guhcaemz mbouj mbwq.

男：今日到此玩， 见鲤鱼跃滩；

这里遇妹银， 讲笑不会烦。

Mbwk: Duzbya youq ndaw daemz，

Raemxmoq daengz cix diuq；

Roeb vunz mbouj gangjriu，

Guhgiu hixnaeuz gaengq?

女：鱼儿在塘里， 新水来跃起；

逢人不说笑， 摆谱或傲气？

Sai:Youq mbanj mbouj doxdep，

Caemh nanz neb doxcimh；

Raeuz gangjgoj miz cingz，

Aensim gag hailangh.

男：住地不相靠， 也难以寻找；

咱聊天有情， 心里乐淘淘。

Mbwk:Ndaej doxfungz ha beix，

Seiq ngeix seiq hailangh；

Ndeiyak vah cungj gangj，

Yied gangj yied miz cingz.

女：能逢哥如今， 越想越开心；

好坏话都说， 越讲越有情。

Saiq: Daj gyae yawjraen va，

Mbouj rox va maz yiengh；

Yienz dauq roeb mwngz nuengx，

Mbouj rox fueng lawz vunz.

男：花儿远处望， 看不清模样；

今与妹重逢， 不知人何方。

Mbwk:Mbouj dwg vunz Guengjdoeng， Gangj coenz coenz ciuq soh；

Mbouj lwnh mwngz mbouj rox，

Youq fwenloh laj gai.

女：不是广东人， 句句如实陈；

不说你不知， 住街边歌屯。

Sai:Cuengq duzbit roengz dah，

Duz gvaq laj gvaq gwnz；

Mbanj youq lawz lo lwnz，

Cungj caengz fungz mwngz gvaq.

男：放鸭下河里， 有游来游去；

妹住哪个村， 从未见过你。

Mbwk:Mbanj laj dem mbanj gwnz，

Doxfungz mwngz mbouj cam；

Byaij roen lij doxnyangz，

Mwngz da sang mbouj yawj.

女：上村与下村， 相逢你不问；

走路还相遇， 你眼高是真。

Sai:Cang ndeiyawj dangqmaz，

Rwzgim caiq goenhfwngz；

Gou ndaej baenzlai hung，

Caengz fungz mwngz saek baez.

男：打扮得好美， 金手镯耳坠；

我长这么大， 未见你一回。

Mbwk:Mbouj gyae guhmaz law，

Ok haw lij raen mwngz；

Ngoenz haenx bae aeu fwnz，

Lij doxroeb gwnz giuz.

女：相距不太远， 赶圩还相见；

那天去打柴， 还相遇桥面。

Sai:Raen nuengx ndei ha ndei，

Lumj valeiz hai amq；

Beix miz vah yaek cam，

Hix gannanz aj bak.

男：妹美丽端庄， 像梨花初放；

哥有话要问， 有口却难张。

Mbwk:Caezgya youq mwnq neix，

Raen ndei mwngz guenj vah；

Naeuz mwngz nyi beix ha，

Gaej guh maz baenzlai.

女：咱在此见过， 合意你就说；

告诉阿哥呀， 别纠结太多。

Sai: Roegfek youq gwnz ndoi，

Mbouj miz moiz nanz doj；

Nuengx heuh gijmaz coh，

Beix mbouj rox cix cam.

男：鹧鸪栖山沟， 无媒难相斗；

妹叫啥芳名， 哥愿藏心头。

Mbwk:Aenvih gyadaej gungz，

Mbouj ndaej hwnj hagdangz；

Mingzcoh caengz ndaej an，

Heuh dahsam dahniq.

女：因为薄家底， 无法上学去；

名字尚未安， 叫达三达尼。

(caengz sat)