Riuj aen swx haeuj suen

Saekrongh ciuq najhoengz

Aen caeuq aen doxdoengz

Gag mbaet gag haengjheiq

Gya’gya miz ceiqheiq

Souhyiz ngaenz geij fanh

Mbouj gangj naeuz hwnj louz

Gyauzceh cungj ndaej cawx

Eu fwen hawj dangj dingq, saedceij yied gvaq yied gyaeundei, gak boux lauxsae、doengzhag, sou ndei! Ngoengzneix gou yenjgyangj daezmoeg dwg 《Saedceij Yied Gvaq Yied Gyaeundei》.

Gou dwg dahsau Bouxcuengh he, bineix cibngeih bi, seizneix, rumzcin gensez doxhuz sevei ci gvaq moix aen goxgex gwnzsingz caeuq lajmbanj. Yawjraen mbanjranz bonjfaenh gou bienq ndaej baenzlai gyaeundei, gou angq raixcaix. Danghnaeuz mwngz siengj liujgaij gij bienqvaq lajmbanj, couh cingj mwngz daeuj mbanjranz gou ba!

Danghnaeuz mwngz daeujdaengz ndaw mbanj gou, mwngz couh yawjraen gwnz gensinh gvangjcangz gvangqlangh haenx, bouxlaux lwgnyez youq gizhaenx ciengqgo、diuqfoux、gangjgoj、 dwkgeiz, nauhyied dangq- maz；mwngz couh yawjraen roen- mbanj seuqcengh youh cingjceiz; mwngz couh yawjraen gyoengq vunzlaux mboujmiz lwglan haenx youh ndaw yangjlaujyen yiengjsouh gvanh- vaiz dangj couh cwngfuj gvaq vuenyungz vanjnienz swnghhoz; banhaemh, gyoengq vunzbanj yawj giuzsai、ciengqheiq, yiengjsouh vwnz- va swnghhoz fungfouq…… Dauqcawq coux rim sing doxhuz.

Yawj, swnghhoz geijlai vuen- yungz geijlai diemz! Cingj dingq gou eu fwen:

Bouxlaux naengh denceh

Vunzmeh gwih mohdoz

Gvaq vuenyungz swnghhoz

Yangjloz sevei moq

Cawj haeux denfangoh

Cauj noh denswzluz

Laeuj ndei diemz daengz hoz

Gvailoz daengz fouzbeij

Louz sang suijnizloh

Swnghhoz caen soengyungz

Lajmbanj fouq hinghlungz

Mbouj lumz dangj lingjdauj

Gyoengq lauxsae doengzhag, hawj gyoengqraeuz buenx rumzcin doxhuz sevei, daj gou guh hwnj, daj saeh iq henzndang guh hwnj, gak minzcuz beixnuengx fwngz rag fwngz, sim lienz sim, itheij dajcaux mbanjranz gyaeundei doxhuz raeuz.

(指导老师：刘艳欢 黄凤娇)