●1 nyied 14 hauh, Gvangjsih Minzcuz Bozvuzgvanj conhgyah daengz Lungzanh diuyenz vwnzva naz. Liuxle naeuz aen yienh neix yaek caenh’itbouh vatgud vwnzva naz gaeuqgeq haenx, vih Lungzanh dajcaux binjbaiz vwnzva naz daez- hawj gaujguj baengzgawq.

(Naij Sangfanz)

●1 nyied 19 hauh, dwg liggaeuq“ciet labbet”, Namzningz Si Bujmyau Cin gij mbanj doxgyawj comz daeuj aen suenmak swnghdai cien moux makfeiz neix, byaujyenj lai yiengh minzsuz hozdung gig miz Bouxcuengh daegsaek haenx, angqcoux cieng moq.

(Yi Sienghcenz)

●1 nyied 19 hauh, dwg ciet labbet. Sanhgyangh Dungcuz Swciyen Linzhih Yangh Mbanj- gvansiuj gyoengqvunz ndaw mbanj nda 100 daiz ngaiz cingj hekyouz gwn, baenz cien boux vunz ndaw mbanj nem hekyouz doengzcaez angq gvaq ciet labbet.

(Yangz Mingz Gungh Buj- gangh)

●Gaenh bi daeuj, Denhdwngj Yen doenggvaq hanghmoeg roengzngaenz、gisuz bangfuz、laebguh lwgmak hozcozse daengj cosih coengh bouxndaemmak fazcanj lwgmak maenhndei. Daengz dangqnaj, aen yienh neix gaenq miz makit“bi song sauh” 2000 lai moux.

(Vangz Lilanz)

●Bineix ngamq heij, vih engq ndei hawj ginzcung Myauzcuz hagsib roxyiuj dangj Cibbet Daih cingsaenz, Yungzsuij Myauzcuz Swciyen Myauzcuz Hezvei cizgiz hengzdoengh hwnjdaeuj, cungfaen leihyungh gij youhsi rox gangj Vahmyauzcuz, dawz dangj Cibbet Daih cingsaenz cienz daengz ndaw mbanj Myauzcuz.

(Cinz Cunghdwz)