Seiq Aen Cosih Laebguh

“Mbanj Minzcuz Doxgiet Cinbu Mozfan”

Duh’anh Yauzcuz Swciyen Dahingh Yangh Cizvah Cunh dwg aen “mbanj minzcuz doxgiet cinbu mozfan”. Gaenh bi daeuj, aen cunh neix doenggvaq seiq hangh cosih, doidoengh gensez sifandenj, aeundaej cwngzyau yienhda.

It dwg aeu gihcwngz dangjcujciz gensez guh cungsim, haenqrengz ca ndei gensez swhsiengj、 cwngci nem cozfungh dangjyenz ganbu, vih doihaeuj gensez“mbanj minzcuz doxgiet cinbu mozfan” daezhawj cujciz baujcang gig miz rengz.

Ngeih dwg aeu senhconz gyauyuz guh giz haeuj, haeujlaeg gej ndei gak loih mauzdun, vih doihaeuj gensez“mbanj minzcuz doxgiet cinbu mozfan”daezhawj sevei vanzging maenhndei.

Sam dwg aeu hanghmoeg gensez guh giz gaem, haenqrengz ca ndei gihcuj sezsih gensez, vih doihaeuj gensez“mbanj minzcuz doxgiet cinbu mozfan”laeb maenh giekdaej. Gaenh bi daeuj, dangjcihbu aen cunh neix cizgiz aeu hanghmoeg comz ndei swhyenz、cienzngaenz, gyavaiq gensez gihcuj sezsih, beijgangj gaijguh seiq gaep goengloh doeng mbanj 3.5 goengleix, ndawde roensuijniz 1.2 goengleix, coihguh daemzcaengraemx 300 lizfanghmij, gaq guenjraemx 1.5 goengleix, guh daemzcaujgi 27 aen.

Seiq dwg aeu canjyez fazcanj guh cungsim, haenqrengz ca ndei fazcanj ginghci mbanj minzcuz lijyouz, vih doihaeuj gensez“mbanj minzcuz doxgiet cinbu mozfan”daez- hawj goengrengz. Aen cunh neix dangjcihbu dingh aen lohnaemj“onj ndaem oij、hwng yw Yauzcuz、lai ciengx doihduz”, dazyinx vunzlai diuzcingj dajndaem gezgou, hawj vunzlai dieg saujsu minzcuz doengzcaez byaij hwnj diuz roen baenzfouq.

(Loz Yangz)