Daxmeh gingqgyaez:

Mwngz ndei, youq gwnz loh ciuhvunz, miz haujlai saeh sawj gou gamjdaengz mwngz doiq gou aencingz naeklaeg, ngoenzneix, gou ciq aen sawsaenq bijsai neix docih mwngz. Youq neix, gou cij siengj gangj gienh saeh fatseng youq gou doeg it nienzgaep haenx, mbouj rox mwngz lij geiq ndaej lwi?

Ngoenzhaenx dwg banhaemh, gou caeuq daxbuz gwn caeuz le, couh youq daihding caj mwngz, itcig daengz it diemj cung, lij caengz raen mwngz dauqma. Daxbuz gangj:“Lan ha, bae ninz ba!” Gou gangj:“Mbouj, gou lij aeu caj daxmeh.” Doeklaeng, gou dingj mbouj gvaq non raeujninz, ninz caem bae lo. Gou cingq da’w moengzloengz, dingqnyi dou yiengj, sikhaek doeksaet ndiu lo, gou couh buet roengz laeuz bae yawj. Yienzlaiz dwg mwngz dauqma lo, cijraen mwngz rag aenndang dwgrengz dwk yamq haeuj bakdou, gou caem boi caz bongh gvaqbae:“Daxmeh, mwngz bae gizlawz ma?”Daxmeh riu dwk daj ndaw daehnaeng gaem ok bonj《It Diemj Doeng》gig moq ndeu. Seizhaenx, raemxda gou sikhaek doek roengzdaeuj lo. Song ngoenz gonq, gou saeux mwngz cawx hawj gou, mwngz mboujmiz seizgan, gou lij hozndat ne, laihnaeuz mwngz mbouj gyaez gou, siengj mbouj daengz……Yienzlaiz mwngz dwg bae ndaw diemq cawx bonj saw neix seiz, fatyienh aen diemq haenx gaenq gai caez lo, couh byaij bae daihngeih aen diemq, daihsam aen……Doeklaeng, youq aen diemq bienbik ndeu ra raen lo.

Daxmeh, docih mwngz! Docih mwngz vih gou yungh gij simrwed.

Hoh

Ndangdaej ndei, gunghcoz ndei!

daeglwg mwngz: Siujgih

2011 nienz 6 yied 7 hauh

（指导教师：张燕）