Mbanjranz gou haujlai gingjsaek gyaeu- ndei, danhseih gou ceiq gyaez gingjsaek ndoengfaexcuk mbanjranz gou.

Ndaw ndoengfaexcuk gofaexcuk maed- maed caedcaed. Gyoengqde hung iq mbouj doengz. Mizmbangj hung lumj bak boi, hoeng mizmbangj saeq lumj ganj bit. Danhseih moix go faexcuk cungj dwg yienghneix heu yienghneix daengj.

Seizcin, rumzcin lumj dahsau unqswnh yienghneix byaij daeuj lo, gorangz deng rumzcin dahsau heuh singj lo. Gyoengqde ndonj ok najnamh. Fwncin doek roengzdaeuj, gyoengqde couh maj ndaej engq angq lo. Rumzcin hawj rorangz bok caengz buhvaq de, vuenhhwnj buhmoq saekheu, gyoengqde lumj bouxboux lwgsau gyaeundei, ndwn soh youq ndaw seizcin gyaeundei haenx.

Daengz le seizhah, gyoengqde mbehai gaiq fwngz, fwdfad dwk, riengz rumz diuqfoux, gyaeundei raixcaix.

Seizcou mboujrox seizlawz daeujdaengz lo. Rumz dahcej soengq daeuj gij hom lwgmak, mbin haeuj ndoengfaexcuk, mwngz byaij haeuj ndoengfaexcuk couh mup daengz gij feih hom, mbawfaexcuk youq gyangrumz diuqfoux, gyaeundei raixcaix.

Seizsou gvaqbae, seizdoeng daeujdaengz lo, go’nywj gofaex cungj bienq henj lo. Hoeng gofaexcuk lij heuswdswd, riu dwk ndwn soh- ngwdngwd riu coh rumznit fwnnae.

O! Ndoengfaexcuk mbanj gou caen gyaeundei ha!

(指导老师：赵连佩)