Mboengqneix daeuj, Lozyez、Lungzlinz、Lingzyinz daengj yienh miz mbangj diegrungh luegbya haenx, givwnh doek daengz lingz doh doxroengz, gwnz bya gizgiz nae haucancan, gofaex deng nae suek dwk lumj aenliengj hau nei, doengh gij nga faexcoengzmok haenx ceiq gyaeundei yinx vunz lo, ngade ronghliglig, duenghyaebyaeb, bivengveng, raemxnae giet youq byainga yaek ndik mbouj ndik, lwenq da raixcaix, yinxdaeuj haujlai bouxyouz ndaw guek caeuq guekrog daeuj youzngonz. Lozyez Yen soqlaiz ndaej vunz heuhguh “Doengbaek Iq”, dieg gingj gyaeundei yienh de——Gumzdasizveiz hix nae haucancan, gyaeundei dangqmaz.

(Siuh Fazlingz)