Vihliux gyavaiq daegsaek hangznieb ginghci fazcanj, coicaenh gihyiz canjyez youhsi baenz vaiq di, caiq daezsang minzcuz lijyouz doxgaiq gunghyi cizlieng, sawj aen binjbaiz “Aendomq Cingsih” neix youq hawciengz ndaw guek engqgya mizmingz, bi’gvaq, Cingsih Yen yiengq Swcigih Wginghlenzse bauq aeu“Mbanj Aendomq Gvangjsih” daegsaek gihyiz aen cwnghauh neix. Ginggvaq conhgyah gaujhwzcuj bae dangdieg gaujcaz bingzsaemj, nyinhnaeuz aen yienh neix canjyez fazcanj diuzgen ndei, vanzging ndei, hab gij diuzgen “Mbanj Aendomq Gvangjsih” yauhgiuz haenx. Geij ngoenz gonq, Swcigih Wginghlenzse cingqsik hawj Cingsih Yen aen cwnghauh “Mbanj Aendomq Gvangjsih”.(Cinz Cin)