Gaenh bi daeuj, Lungzswng Gak Cuz Swciyen aeu buek cosih mizyauq he daeuj gyagiengz ligdoh henhoh nem swnjcienz vwnzva minzcuz conzdungj.

It dwg genhciz ginzcung vwnzva lusen. Dangqnaj, aen yienh neix gaenq miz 196 aen yezyiz vwnzyidui, ginzcung yenjyenz 4600 vunz. Gij cezmuz gyoengqde yienj haenx dingzlai dwg nungzminz gag bien gag yienj, neiyungz nem hingzsik cungj yienh’ok gij daegsaek nem cingsaenz vwnzva minzcuz dangdieg.

Ngeih dwg cizgiz cihciz mbanj gaeuq mbanj mizmingz lai fueng- mienh gawjbanh cietgingq hozdung, diuhdoengh vunzlai, hawj gyoengqde miz yisiz henhoh nem swnjcienz vwnzva minzcuz. Dangqnaj, aen yienh neix cingq haenqrengz dajcaux“aen yienh bak ciet minzcuz”, aeu neix daeuj cauhbaenz gij fwnveiz“ciet hung sam loeg gouj, ciet iq ndwen- ndwen miz”, doidoengh minzcuz vwnzva lijyouz canjyez fazcanj nem minzcuz doxgiet cinbu.

Sam dwg daihlig fazcanj mbanj minzcuz lijyouz, dawz foux nem go minzcuz daengj vwnzva minzcuz bienq guh diemj hawj ginghci demhwnj. Dangqnaj, aen yienh neix miz mbanj Yauzcuz Sanhmwnz、mbanj Bouxcuengh Lijbaiz、mbanj byoem raez Vangzloz daengj mbanj minzcuz lijyouz, moix mbanj cungj miz go foux minzcuz byaujyenj. Gij byaujyenj neix hawj vunzlai daezsang yisiz gag henhoh vwnzva minzcuz.

Seiq dwg cizgiz diucaz nem henhoh feihvuzciz vwnzva yizcanj. Gaenh bi daeuj, aen yienh neix vwnzvagiz diucaz le daengx yienh feihvuzciz vwnzva yizcanj, gungh sou ndaej soqgawq 1000 lai hangh, caemhcaiq doenggvaq gak cungj fuengsik gyagiengz henhoh feihvuzciz vwnzva yizcanj; ndawde gaenq miz 6 hangh ndaej lied guh swcigih gaep、21 hangh ndaej lied guh si gaep feihvuzciz vwnzva yizcanj.

Haj dwg gyagiengz yenzgiu nem cingjleix vwnzva minzcuz, coicaenh song aen vwnzmingz gensez. Gaenh bi daeuj, aen yienh neix cizgiz haenq- rengz guh hong yenzgiu、cingjleix nem henhoh vwnzva minzcuz, caemhcaiq aeundaej cwngzgoj hungloet.

(Lungz Cwng)