Daihgya ndei！Gou dwg seiq nienzgaep 1 ban Vangz Denhbauj. Gou maij danz ganghginz、 dwkgiuz daengj, daegbied gyaez doegsaw, saw son gou haujlai cihsiz, daegbied dwg faplwd cihsiz, gou rox haujlai faplwd cihsiz.

Gou simndat lumj feiz, moix dang doengzhag caeuq lauxsae aeu vunz bangfwngz seiz, gou cungj mbouj ngeix saek di bae bangcoh. Gou rox gangj, sij faenzcieng hix ndei, gou siengj ra aen vujdaiz daeuj fazveih gij caiznaengz gou, youh ndaej bangcoh doengzhag, baezneix “Yangzgvangh Gilwzsoj”ciu vunz, cingq hab gij siengjfap gou. Gou siengj baenz aen soj neix boux cwngzyenz ndeu, caj sou gij gienzik deng bovai seiz, gou aeu faplwd daeuj bangcoh sou；sou miz gijmaz saeh siengsim, gou nyinhcaen dingq, lij bang sou gaijgez vwndiz. Danghnaeuz gou baezneix ndaej luzyungh, gou yaek cienz sim cienz eiq vih daihgya fuzvu, gou haenqrengz bangcoh sou, guh baengzyoux ndei sou.

Cingj caezgya cihciz gou, daeuzbiuq hawj gou, mboujnex sou couh lot boux caencingq bangcoh sou he lo！Docih daih- gya！

（指导老师：潘月梅）