De naeuz: “Dang’yienz, haengj- heiq ceng aeu ndaej cunghyangh daemxbang, gaijbienq aen cingzgvang gunghyez caeuq nungzyez doeklaeng vaiq di, neix dwg doiq bw, vwndiz dwg raeuz mbouj ndeindei daj cingzgvang saehsaed okdin, dawz gihbwnj hwnqguh anbaiz ndei, hawj hong gihgen rag ndaej raez lai, ciemqyungh lauzdungliz daiq lai, mbouj miz yauqik, youh git daengz hongnaz swnghcanj.”

Doiq gij loeng gaxgonq, Veiz Gozcingh mbouj mbouj hawj lingjdauj baihgwnz dawz, hix mbouj hawj vunz lajfwngz dawz, vanzlij caenhrengz bang vunz lajfwngz rap cwzyin. De vanzlij faensik vihmaz deng loeng gig laeg, hix daj swhsiengj comzrom gij hit caeuq gingniemh haenx, daezsang gij yinsiz suijbingz vunzlai.

Doeklaeng, youq Cunghgung Cunghyangh bi 1962 co ciuhai Caet Cien Vunz Daihhoiz gyangde caeuq youq Swcigih Dangjveij ciuhai It Gaiq Cib’it Mbat Cienzhoih gyangde, de youh guh genjdauj lo, romcomz gingniemh caeuq hit, ndaej daengz vunzlai lijgaij.

Doengzmwh, de ciuqriengz gij cijsi Cunghgung Cunghyangh, nyinh- caen doiq doengh boux ganbu dangjyenz youq “dayozcin” seiz deng loeng cawjfaenh baebuenq haenx caz cingcuj le baen doih bingzfanj.

Bi 1959, Guengjsae youq fanjdoiq “Yougingh” doxdaeuq ndawde, Gveilinz Diveij daih’it suhgi Ciz Suilinz, suhgi Vangz Binhvuz deng loeng faen guh “Yougingh” gih- veicujyi fwnswj. Doengzmwh, buek yinzminz gunghse ganbu ndeu aenvih gamj gangj vahcaen, ngeizcam roxnaeuz fanjdoiq “dayozcin”, hix deng baebuenq caeuq cawjfaenh. Swcigih Dangjveij youq bi 1961 ndwen 7 ciuhai It Gaiq Cib Mbat Cienzhoih, youq gyang hoih hawj Ciz Suilinz、 Vangz nhvuz ndaej bingzfanj lo. Doengzmwh, laebbaenz Swcigih Dangjveij Cawjleix Cinghcaz Lingj- dauj Siujcuj, youz Vuj Cinnanz dang cujcangj.

(caengz sat)

Bi

□ Hoz Saubangj sij Cinz Siengzcouh Liuz Gingliuj Cinz Siengzgen hoiz