12 nyied 17 hauh, “sing moq doxyungz · minzgoh gapyiengj —— ‘minzgoh yienh sing moq’ yienjok gij cozbinj camgya hozdung doxdax cauxbien Gvangjsih minzgoh cozbinj bi 2025” youq Gvangjsih Yisuz Yozyen Nanzhuz Yaugih Yinhyozdingh guh. Baez yienjok neix dwg langhbaij gij cwngzgoj hozdung “minzgoh yienh sing moq” cauxbien Gvangjsih minzgoh cozbinj bi 2025, youz Swcigih Minzcunghveij、Swcigih Vwnzlenz、Gungcinghdonz Gvangjsih Gihveij、Swcigih Gvangjdengiz、Gvangjsih Yisuz Yozyen caezcaemh cawjbanh, Gvangjsih Yisuz Yozyen Dangjveij Dungjcanbu、Yinhyoz Yozyen ciepbanh. Gak gyaiq bouxhek、boux cauhguh daibyauj、boux canghyienj caeuq gak cuz lauxsae hagseng、ginzcung doxcomz giz ndeu, caezcaemh yawj le ciengz hoihhoengh minzgoh conzdungj caeuq yienhdaih doxyungz、minzcuz caeuq seizdaih doxhap neix.

（Veiz Yingjcinh/韦颖琛 Vangz Yinz/黄云）