12 nyied 12 hauh Swcigih Gohgidingh lwnh vunzlai rox, 9 aen gozci gohgi doxgap hanghmoeg Cungguek—Dunghmungz Gisuz Conjyiz Cunghsinh、Cungguek Diciz Gohyozyen Nganzyungz Diciz Yenzgiusoj、Gvangjsih Linzgohyen、Gvangjsih Cizvuz Yenzgiusoj、Gvangjsih Swhfan Dayoz、Gveilinz Lijgungh Dayoz、Gveilinz Hangzdenh Gunghyez Yozyen bauq haenx, mboengqneix doenggvaq Lenzhozgoz Nanznanz Doxgap Banhgunghsiz bingzsaemj, baez nduj senjhaeuj aen anqlaeh saedguh maenhdei ndaej laebdaeb hwngfat bangrengz nanznanz doxgap caeuq sam fueng doxgap.

Ciuq cam rox, 9 aen anqlaeh doxgap bauhamz nganzyungz swhyenz ndaej laebdaeb yungh、doenghyiengh yw vayoz、doenghgo lai yiengh baujhoh、gvairaeh raok nonhaih cazyouz、vanzging raemx gisuz cauhmoq、cauhmoq cauhnieb caeuq aen hidungj genjcwz gvairaeh doenghgij dieg neix, guek doxgap baugvat Vwnzlaiz、Genjbujcai、Yindunizsihya、Yeznanz、Bah- gihswhdanj、Yihlangj doenghgij guekgya neix. Ndawde, 3 aen hanghmoeg doxgap maenhndei Cungguek Diciz Gohyozyen Nganzyungz Diciz Yenzgiusoj baengh Cungguek—Swhlozvwnznizya Nganz- yungz Diciz “Rangh Ndeu Loh Ndeu” Lienzhab Sizyensiz guh haenx ndei raeuh. Aen lienzhab sizyensiz neix youz Cungguek Diciz Gohyozyen Nganzyungz Diciz Yenzgiusoj（Gveilinz）、Swhlozvwnznizya Gohyoz Caeuq Yisuzyen Yenzgiu Cunghsinh Nganzyungz Yenzgiusoj caezhwnq, dwg aen bingzdaiz gohgi cauhmoq gaep guekgya, doenggvaq cauhlaeb camh muengx gamcaek rangh gvanhgen nganzyungz “rangh ndeu loh ndeu”, yenzgiu guh aen biucinj gisuz gamcaek, doiqbeij faensik gij gapgyaq caeuq goengnaengz rangh gvanhgen nganzyungz denjhingz, vih gaijgez dieg nganzyungz vanzging nanzdaez gunghawj cengjdingj. Bi’gvaq 5 nyied, aen nganzyungz gohyoz yenzgiusoj neix baez nduj liedhaeuj aen vwnzgen cingzcik cunzcam bouxdaeuz guekgya, doiq fugsaeh bouxdaeuz vaigyauh、daezswng gij rengz yingjyangj gozci aen dieg gohyoz nganzyungz miz yungh lailai. Linghvaih, Cungguek—Dunghmungz Cauhmoq Cauhnieb Doxdax hawj Cungguek—Dunghmungz Gisuz Conjyiz Cunghsinh doenghgij danhvei neix caez banh haenx hix cingzcik ronghsak, aen daxdax neix daj 2022 nienz hainduj doxdaeuj, ciuyinx 35 aen guekgya caeuq gizdieg 752 aen doih caeuq giyez ngamq cauh daeuj caeuqfaenh.

(daj 《Gvangjsih Yizbau》aeu daeuj genj hoiz Lij Sinhyungz Yez Veih)