12 nyied 5 hauh, Yungzanh Yen gaiq daih cibroek ciet angq vwnzva lijyouz makgaemjgaet youq hawciengz gaicawx makgaemjgaet ndaw yienh haiguh. Hozdung aeu makgaemjgaet guh moiz、vwnzva daeuj coenghrengz、lijyouz caeuq seng’eiq dap giuz, doidoengh nungzyez vwnzva lijyouz seng’eiq yungzhab ndei、 saedyienh hwngfat ndei, engq ndei couqmaenh gij eiqsik Cunghvaz Minzcuz ranz vunz ndeu, coicaenh gak minzcuz caezcaemh doxgiet haenqrengz buekguh、 caezcaemh mwnhoengh hwngfat. Gaiq ciet vwnzva lijyouz makgaemjgaet neix guh daengz 12 nyied 31 hauh. Geizgan lij laebdaeb guh gij yienghsaeh baijgai doxgaiq reihnaz、 ndaw dah hai ci doxdax、doxdax buet mbanj、daejniemh mbit mak daengj, gawq fungfouq gij ndwenngoenz vwnzva gak cuz ginzcung, hix laeb gij bingzdaiz lai cungj lai yiengh hwngfat makgaemjgaet.

(Liuz Yez/刘月 Vangz Yigiz/黄誉琦 Moz Beibei/莫蓓蓓)