11 nyied 15 hauh, hozdung “2025 nienz meizdij rog guek youz Hozciz” byaij haeuj Lozcwngz Mulaujcuz Swciyen. Mbat hozdung neix youz Hozciz Si caeuq Cungguek Sinhvwnz Se Gvangjsih Fwnhse lienzhab guh, iucingj gicej 21 aen meizdij rog guek daj Yindunizsihya、 Daigoz、 Laujvoh、 Audaliya daengj guekgya (digih) daeuj haenx doxcomz Lozcwngz, hainduj ciengz lijyouz caenndang daejniemh Mulauj vwnzva ndeu. Gyoengqde aeu gingqdaeuz geiqloeg gingjsaek gyaeundei bya raemx, yungh faenzcieng sij gij yawjraen gij dingqnyi gij gamjsouh gyoengqde, haeujlaeg damqcaz gij minzcuz fungcingz daegbied、 canjnieb lajmbanj hwngfat hwnghoengh Lozcwngz, caeuq gij saedguh sengdoengh lijyouz hwngfat doidoengh gak minzcuz “sam gyau”.

（Mungz Yungzboh/蒙雄颇 Se Meijsenh/谢美鲜）