10 nyied 25 hauh, Liujcouh Si hozdung gyauhliuz 2025 nienz “lijyouz coicaenh gak minzcuz sam gyau giva · Gvangjsih cingq hengzdoengh” caeuq Liujcwngz Yen Gujcai Mulaujcuz Yangh ciet lijyouz swnghdai vwnzva “haeux gyaeu Gujcai · doengh van lajmbanj”, youq Liujcwngz Yen Gujcai Ranghaeux Biu Dieg Baeyouz haiguh. Hozdung cawjdaez dwg “aeu lijyouz guh moiz coi sam gyau doengzsim caemh cuk loqsiengj Cungguek”, cienzmienh baijok gij cwngzgoj minzcuz fungcingz、 swnghdai yinxdaeuz caeuq lajmbanj saenqhwng Gujcai Mulaujcuz Yangh, coicaenh gak minzcuz sam gyau.

Hozdung youz Swcigih Minzcunghveij cijdauj, Liujcouh Minzcunghveij、 Cunghgung Liujcwngz Yen Veijyenzvei、 Liujcwngz Yen Yinzminz Cwngfuj cawjbanh. Swcigih Minzcunghveij ngeih gaep sinzsiyenz Vuz Hansiz camgya hozdung. Liujcouh Si、 Liujcwngz Yen mizgven bouhmonz lingjdauj, daengx gih gak gaep gak loih boux daibyauj guh hong meizdij、 boux daibyauj guh hong lijyouz daengj daih- iek 3000 vunz camgya hozdung.

(Vangz Yinz/黄 云 Se Liengzyij/谢梁雨 Cinz Cin’gyangh/覃振江 Vuz Gaijvwnz/吴凯文)