Aenruz iqetet

Mboujmiz gangfung hung sang

Cijmiz goeng dawzruz geq ndeu

Caeuq gou boux naengh ruz iqetet neix

Aenruz iqetet

Daj ndaw ranz hai bae coh hagdangz

Youh daj hagdangz hai ma ranz

Moix ngoenz doz gou bae hamq cihsiz haenx

Aenruz iqetet

Mboujguenj seiq geiq baenzlawz bienqvuenh

Cungj dwg coux rim sing gangj sing riu

Doz gij vah goeng lan dou youq gwnz roen lwnhgangj haenx

Aenruz iqetet

Mbouj naengz suenq ndeiyawj hoeng gou cix gyaezmaij

De coux rim gij seizgan raeujrub haenx

Coux rim gij dauqngeix rang diemz haenx