Dangz goq yijvwnz haenx, lauxsae heuh dou boihsaw, dwg boih《Coengcoeng》, aen ginglig neix hawj gou nanzlumz.

Seiz lauxsae heuh boih, gou nyinhnaeuz bien govwnz neix raez lai, dangz goq ndeu gaenbonj boih mbouj ndaej. Hoeng gou yawjraen lauxsae simdingh dangqmaz, gou roxndeq caeuq lauxsae euq mboujmiz yungh, cijndei nyengh boih lo.

Gou doeg baez youh baez, doeg raeuz le caiq sawq boih. Hoeng bien govwnz neix miz haujlai coenz vah raez, cungj gazgwd mbouj ndei boih. Gou boih bae boih dauq, boih ndaej myaiz hawq hoz hep, da va gyaeuj ngunh, gou lijdwg boih mbouj ndaej.

Roxnyinh ca mbouj geijlai boih ndaej le, gou couh ra doengzhag caez boih. Boih ndaej yied daeuj yied swnh, dou couh bae ra lauxsae.“Roegenq bae le, miz mwh caiq dauq; goliux reuq le, miz seiz caiq heu……”Boih dwk, boih dwk, hainduj haemq swnhleih, hoeng boih daengz duenh daihsam seiz, uk gou fwt byouqbyangbyang. Lauxsae bibi fwngz, dou cijndei dauqma caiq boihsaw lo.

Gvaq yaep ndeu, dou youh dauqcungz boih ndei, caiq baez bae ra lauxsae. Baezneix, dou aj bak hung boihsaw, lumj cuengq bauq nei, raeuzrwdrwd boih ndaej liux. Doeklaeng, lauxsae riu dwk ngaekgyaeuj, dou angq dwk mbat diuq sam cik sang.

Roengzdangz lo, lauxsae hawj gij doengzhag boih ndaej saw haenx fat dangzmizgaenq, gou hix miz faenh. Gij vandiemz ndaw bak haenx, lumj dwg sing bekfwngz goksa, youh lumj dwg gij haenh lauxsae. Gou mbouj rox lumz dangz goq boihsaw neix, engq mbouj rox lumz gij haenqrengz boihsaw haenx.

难忘的背书

上林县民族实验学校丰岭校区六（3）班 蓝金铭

那节语文课，老师要求我们当堂背诵《匆匆》，这段经历让我至今难忘。

一开始，我觉得课文太长，一节课根本不可能背下来。但看到老师坚定的目光，我知道没有商量的余地，只好硬着头皮上了。

我一遍遍地读，一遍遍地试。文中有不少长句子，总是卡壳。读得口干舌燥、头晕眼花，我还是不肯停下。

感觉差不多背熟了，我就找同学一起背。越背越顺，我们鼓起勇气走向老师。“燕子去了，有再来的时候；杨柳枯了，有再青的时候……”一开始很顺利，可背到第三段时，我忽然脑子一片空白。老师轻轻摆手，我们只好回来继续背书。

过了一会儿，我们重振旗鼓，再次站到老师面前。这次我们放大声音，一字一句清清楚楚，像放鞭炮一样，流利地把全文背了下来。老师终于笑着点头，我们高兴得一蹦三尺高！

下课了，老师给背得书的同学发棒棒糖，我也有份。含在嘴里的甜蜜，像是鼓励的掌声，又像是老师无声的夸奖。我永远忘不了那节课，更忘不了当时全力以赴的干劲。

（lauxsae son raiz Lij Lanzyen / 指导老师：李兰艳)