Mboengqneix, Swcigih Caiz- cwngdingh lwnh vunzlai rox, Gvangjsih laeb ngaenzgoek roengz- goek gij canjnieb yinzgungh cinwngz yawhgeiz gungh 100 ik maenz, doenggvaq yungh ndei cwngfuj dazyinx ngaenzgoek roengzgoek, doinyoengx yinzgungh cinwngz caeuq saeddaej ginghci lailai yungzhab, coenghrengz cien hangz bak nieb guh baenaj.

Ciuq cam rox, ngaenzgoek roengzgoek gij canjnieb yinzgungh cinwngz yaek hopheux aen fuengyiengq hwnqguh gij swnghcanjliz akmoq, cujyau bued hawj yinzgungh cinwngz、soqcih ginghci、ginghci mbwndaemq、AI sinhben daengj dieg baihnaj. Youq roengzgoek fuengsik fuengmienh, yungh “ngaenzgoek nga+cigsoh bued” song yiengh vunqsik, ndawde ngaenzgoek mbouj noix gvaq 80% yungh daeuj roengzgoek aen hanghmoeg ngaenzgoek nga, ngaenzgoek mbouj mauhgvaq 20% yungh daeuj cigsoh roengzgoek hanghmoeg giyez cauhmoq, doi- nyoengx gunggvan dinfwngz youqgaenj、cienjvaq gij guhbaenz caeuq ciengzgingj doekdieg, bangrengz Gvangjsih dajcauh aen dieg ndei doxgap yinzgungh cinwngz najdoiq Dunghmungz.

Ngaenzgoek roengzgoek gij canjnieb yinzgungh cinwngz yiemzgek ciuqeiq hawciengz、ciennieb bae yinhguh, youq okcienz beijlwd、souik hawj leih、fungyiemj yungznyaenx daengj fiengmienh gyalai cwngcwz haeujcoengh. Swcigih、si、yienh sam gaep caizcwng gap okcienz beijlwd ceiq lai ndaej daengz 70%, lai hawj ngaenzcienz ndawbiengz ei daeuj caeuqfaenh. Doiq aen hanghmoeg roengzgoek cingzcik yienhda, souik mauh soq ceiq lai ndaej ciuq 100% hawj leih. Caemhcaiq, laebcaez aen gihci caenhrengz guh gemjnoix cwzyin caeuq gij canjnieb yinzgungh cinwngz vuenh daih vaiq、vunqsik moq、hopgeiz raez、fungyiemj sang daegdiemj dox habngamj haenx, cauh ok gij heiq ndei gujli cauhmoq、soengyungz saetbaih, lai hawj vunz gaenx roengzgoek.

Vih baujcang ngaenzgoek yinhguh ndei、raenhamq seuqcengh, Gvangjsih yaek guhndei daengx aen guenjleix guenjguh, aen veijyenzvei gezcwz roengzgoek ndawde yinx bouxyawjcaz swcigih hangznieb cawjguenj bouhmonz daengj caeuq- faenh, gyalai gamduk roengzgoek caeuq gaemguenj fungyiemj, baujcang ngaenzcienz caizcwng ancienz. Doenggvaq lai cungj fuengfap、lai diuz roenloh、lai aen fuengmienh baenzroix doinyoengx cauhmoq、canjnieb、ngaenzcienz doxcomz, cujyau haeuj- coengh diuzlienh canjnieb yinzgungh cinwngz hwnqlienh、ietlienh、aklienh, lai hawj canjnieb coenghrengz raenhamq caeuq ngaenzcienz yungh raenhamq liuxliux.

(daj 《Nanzningz Vanjbau》 aeu daeuj genj hoiz Hanz Bei)