第十四期

原文：

1934年11月，中央红军长征途中，各个军团陆续抵达汝城县文明圩，驻扎在文明、沙洲等地，并在此休整。3位疲惫不堪的女红军借宿在沙洲村瑶族村民徐解秀家。

这是一户赤贫的家庭：破旧的茅屋里，一张用楠竹钉成的床架，几乎是家里唯一的大件家具。床上垫着稻草、铺着破席，盖的是一堆烂棉絮，连一条完整的被子都没有。

女红军们的行装里，带着一条棉被。晚上，徐解秀就和3位女红军合盖这一条被子，挤在唯一的楠竹床上，而男主人则睡在门口的草堆上守护着她们。

3位女红军与徐解秀同吃同住同劳动，还帮着徐解秀烧火煮饭，空闲时给徐解秀夫妇讲革命道理。几天后，女红军们要上路了，她们决定把被子留给这户贫苦的人家，但徐解秀夫妇说什么也不肯接受。争执间，一位女红军从背包中摸出一把剪刀，把被子剪成了两半，将半条被子留给徐解秀，并对她说，等革命成功以后，一定要送她一条完整的新棉被。接过半条被子，徐解秀一句话也说不出，眼泪哗哗地流了下来……

后来，革命胜利了，国家富强了，徐解秀家也丰衣足食了，但那半条被子的热度，一直温暖着徐解秀的内心。

徐解秀等了几十年，一直没等回3位女红军。上世纪80年代，“半条被子”的故事经媒体报道后，邓颖超、蔡畅、康克清等参加过长征的老同志，在全国开展了寻找3位女红军的活动，可惜没有找到她们的下落。后来，邓颖超等老同志托人给徐解秀送去一条新被子。

——“道中华”微信公众号《“半条被子”的故事：以初心，赢民心｜总书记讲过的民族团结进步故事》（节选）

译文：

It

1934 nienz 11 nyied，gyangroen Cunghyangh Hungz- ginh cangzcwngh，gak aen ginhdonz lienzdaemh bae daengz Yujcwngz Yen Hawvwnzmingz，capyouq Vwnzmingz、Sahcouh daengj dieg， caemhcaiq youq neix yietnaiq. Miz 3 boux hungzginh mehmbwk naetnaiq raixcaix，cix dozyouq Sahcouh Cunh vunzmbanj Yauzcuz ranz Ciz Gaijsiu.

Neix dwg ranz vunz gig gungzhoj ndeu：Ndaw ranzhaz vaihgaeuq, miz aen mbonq ndeu aeu faexcuk daeuj dingbaenz，ca mbouj geijlai dwg doxgaiq hung dandog youq ndaw ranz de. Gwnz mbonq demh miz nywj- fiengz、beiq mbaw mbinj rwix，hoemq dwg doi faiqyungz vaih ndeu，lienz diuz denz caezcingj ndeu cungj mbouj miz.

Ndaw bau gyoengq hungz- ginh mehmbwk，daiq diuz moegdenz ndeu. Gyanghaemh，Ciz Gaijsiu couh caeuq 3 boux hungzginh mehmbwk gyoeb hoemq diuz denz ndeu，caenx youq gwnz mbonq faexcuk dandog ndeu，hoeng bouxcawj bouxsai cix ninz youq gwnz dong nywj bakdou ranz bae henhoh gyoengqde.

3 boux hungzginh meh- mbwk caeuq Ciz Gaijsiu caemh gwn caemh youq，doengz guhhong，lij bang Ciz Gaijsiu dwk feiz cawj haeux. Seizndwi lij hawj Ciz Gaijsiu gvanbaz gangjmingz gwzming dauhleix. Gvaq geij ngoenz， gyoengq hungzginh mehmbwk yaek aeu hwnjroen lo，gyoengqde giet- dingh dawz denz ce youq ranz neix hawj gyoengqvunz gungzhoj raixcaix de，hoeng Ciz Gaijsiu gvanbaz naeuz gijmaz hix mbouj haengj ciepsouh. Youq ndaw cenglwnh，miz boux hungzginh mehmbwk ndeu daj ndaw daeh- aemq lumh ok fag geuz ndeu，dawz denz raed baenz song mbiengj bae，aeu buenq diuz denz ce hawj Ciz Gaijsiu，caemhcaiq doiq de naeuz，caj daengz gwzming baenzgoeng le，itdingh aeu soengq hawj de diuz moegdenz moq caezcingj ndeu. Ciep gvaq buenq diuz denz haenx，Ciz Gaijsiu coenz vah ndeu hix gangj mbouj okdaeuj，raemxda rihbyoegbyoeg roengz- daeuj……

Doeklaeng，gwzming ndaej hingz lo，guekgya fouqgiengz lo， ranz Ciz Gaijsiu hix miz gwn miz daenj lo，hoeng buenq diuz denz haenx raeuj ndat lumj feiz ndoi， ndaw simlaeg Ciz Gaijsiu itcig raeujrubrub.

Ciz Gaijsiu caj le geij cib bi， itcig caj mbouj daengz 3 boux hungzginh mehmbwk dauqma，aen sigij gonq 80 nienzdaih，gij gojgaeq“buenq diuz moegdenz”ginggvaq meizdij bauqdauj gvaqlaeng，Dwng Yingjcauh、Cai Cang、Gangh Gwzcingh daengj gyoengq dungzci laux camgya gvaq cangzcwngh haenx，youq daengx guek gaihcanj le gij hozdung ra 3 boux hungzginh mehmbwk，hojsik ra mbouj raen gyoengqde youq gizlawz. Doeklaeng，Dwng Yingjcauh daengj dungzci dak vunz hawj Ciz Gaijsiu soengq bae diuz moegdenz moqsagsag ndeu.

（凤山县：韩辉/Hanz Veih）

Ngeih

1934 nienz 11 nyied， gwnzloh Cunghyangh Hungzginh cangzcwngh，gak aen ginhdonz laebdaeb daengz Yujcwngz Yen Hawvwnzmingz，capyouq dieg Vwnzmingz、Sahcouh daengj，lij youq dieg neix yietnaiq. Sam boux hungzginh mbwk naet raixcaix, couh dozyouq Mbanj- sahcouh ranz Yauzcuz Ciz Gaijsiu.

Ranz neix dwg ranz vunzhoj ndeu，ndaw ranzhaz youh gaeuq youh rengq，aen mbonq aeu faexndoek dingbaenz ndeu，couhdwg gienh gyasei hung ndaw ranz ndeu. Gwnz mbonq demh miz fiengznyungq、beiq miz satrwix，hoemq dwg doi faiqgaemz vaih ndeu，couhdwg fan denz ndei he hix mbouj miz.

Gij doxgaiq gwnz ndang hungzginh mbwk，miz fan denz ndeu. Gyanghaemh，Ciz Gaijsiu couh caeuq sam boux hungzginh mbwk guhdoih hoemq fan denz neix，doxcaenx youq gwnz mbonq faexndoek，bouxgvan Ciz Gaijsiu cix ninz you gwnz doifiengz bakdou hen gyoengqde.

Sam boux hungzginh mbwk caeuq Ciz Gaijsiu doengzcaez gwnyouq doengzcaez bae guhhong，lij hawj Ciz Gaijsiu gvanbaz gangj gwzming dauhleix. Gvaq geij ngoenz，hungzginh mbwk aeu hwnjroen lo，gyoengqde gietdingh cuengq fan denz hawj ranz bouxhoj neix，hoeng Ciz Gaijsiu gvanbaz gangj gijmaz hix mbouj aeu. Doxeuq seiz，boux hungzginh mbwk daj ndaw baufug mo ok fag geuz ndeu，dawz fandenz daet guh song donh，cuengq donh he hawj Ciz Gaijsiu，lij doiq de naeuz，caj gwzming ndaejbaenz le，itdingh soengq fan denz moq ndeu hawj de. Ciep mbiengj denz gvaqdaeuj，Ciz Gaijsiu coenz vah ndeu hix gangj mbouj ok bak，raemxda rihbyoegbyoeg……

Gvaqlaeng，gwzming hoenx hingz lo，guekgya fouqgiengz lo，ranz Ciz Gaijsiu hix gwn mbouj you daenj mbouj heiq，hoeng gij ndat mbiengj denz haenx，itcig hoemq raeuj aensim Ciz Gaijsiu.

Ciz Gaijsiu caj le geij cib bi，itcig caj mbouj raen sam boux hungzginh mbwk，aen sigij gonq 80 nienzdaih， aen goj“mbiengj denz ndeu”daj bauqceij daeng okdaeuj le，Dwng Yingjcauh、Cai Cang、Gangh Gwzcingh daengj geij boux laux doengzceiq camgya gvaq cangzcwngh neix，youq daengx guek gaihcanj hozdung ra sam boux hungzginh mbwk，hojsik ra mbouj raen gyoengqde. Doeklaeng，Dwng Yingjcauh gyoengq laux doengzceiq heuh vunz bang soengq fan denz moq ndeu hawj Ciz Gaijsiu. (平果市： 黄海燕/ Vangz Haijyen)

Sam

Bi 1934 ndwen 11, seiz Cunghyangh Hungzginh cangzcwngh, gak aen ginhdonz laebdaeb daeuj daengz Yujcwngz Yen Hawvwnzmingz, capyouq Vwnzmingz、Sahcouh daengj dieg，caemhcaiq youq gizneix yietnaiq diuzcingj. 3 dah hungzginh naetnaet naiqnaiq, couh youq Mbanjsahcouh ndaw ranz Yauzcuz Ciz Gaijsiu youq.

Neix dwg hoh ranz gungzhoj he: Ndaw rug gaeuqgat vaihvad, aen congz yungh namzcuk dingbaenz, suenq dwg ndaw ranz gaiq gyahgi hung ndeu lo. Gwnz congz demh di nyangj、bu fan mbinj vaih he, yungh gyoengz mienzfaiq naeuh daeuj cw, daiq fan denz ndei ndeu cungj mbouj miz.

Ndaw daeh gyoengq hungzginh, daiq miz diuz mienzdauq ndeu. Doengxhaemh, Ciz Gaijsiu couh caeuq 3 dah hungzginh neix caezgya cw fan denz neix, caenx youq aen congz namzcuk dog neix. Gyoengq vunzsai bouxcawj couh ninz youq dong yaengq soujhoh gyoengqde.

3 dah hungzginh caeuq Ciz Gaijsiu caez gwn caez youq caez guhhong, caiq bang Ciz Gaijsiu ndatraemx dajcawj, ndaejhoengq couh gangj gwzming dauhleix hawj Ciz Gaisiu gvanbaz dingq. Gvaq geij ngoenz le, gyoengq hungzginh yaek hwnjroen lo, gyoengqde gietdingh louz fandenz hawj hoh gungzhoj neix, hoeng Ciz Gaijsiu gvanbaz naeuz gijmaz cungj mbouj ciepsouh. Seiz doxnyiengh, miz dah hungzginh ndeu daj ndaw daeh mbon ok fag cienj ndeu, dawz fandenz daet baenz song mbiengj, louz mbiengj denz ndeu hawj Ciz Gaijsiu, doiq de naeuz, deq gwzming guhbaenz le, itdingh soengq fan denz moq ndeu hawj de. Ciep gvaq mbiengj denz neix, Ciz Gaijsiu gangj mbouj ok saek gawq vah, raemxda riuzrara……

Doeklaeng, gwzming guhhingz lo, guekgya fouqgiengz lo, ranz Ciz Gaijsiu caemh miz gwn miz daenj lo, hoeng gij raeuj mbiengj denz haenx, itcig raeuj ndawsim Ciz Gaijsiu.

Ciz Gaijsiu deq le geij cib bi, cungj deq mbouj ma 3 dah hungzginh. Seiqgeiq gaxgonq 80 nienzdaih, aen gojgaeq “mbiengj denz” ginggvaq meizdij bauqdauj le, Dwng Yingjcauh、Cai Cang、Gangh Gwzcingh daengj dungzci camgya gvaq cangzcwngh haenx, youq daengx guek haiguh le aen hozdung cimhra 3 dah hungzginh, hojsik mbouj caengz ra raen gyoengqde. Doeklaeng, Dwng Yingjcauh daengj dungzci hawj vunz soengq fan denz moq ndeu bae hawj de lo.

（南宁市武鸣区：黄蓉蓉/Vangz Yungzyungz）

（6）