9 nyied 4 hauh, Aen Hoih Yienhciengz Doinyoengx Daengx Gih Hwnqguh Gih Guhyiengh Couqmaenh Gij Eiqsik Cunghvaz Minzcuz Ranz Vunz Ndeu youq Nanzningz hai, cungjgez gij cingzcik duenhgonq hwnqguh gih guhyiengh aeundaej de, yenzgiu anbaiz hong youqgaenj yamqlaeng, doinyoengx hwnqguh gih guhyiengh guh laeg guh saed.

Aen hoih vixok, baez hoih yienhciengz doinyoengx gonq doxdaeuj, daengx gih gak dieg gak bouhmonz nyinhcaen doekguh gij cingsaenz aen hoih, laebdin saedsaeh、dangrap guhcaen, doinyoengx hwnqguh gih guhyiengh aeundaej baenaj moq cingzcik moq. Aen hoih daegbied gangj daengz, aeu doekguh gij swhsiengj youqgaenj gyaak caeuq gaijndei hong minzcuz、gij iugouz youqgaenj lwnhgangj hong Gvangjsih Siz Ginbingz cungjsuhgi liuxliux, haeujlaeg doekguh gij cingsaenz anbaiz ceiq moq cunghyangh caeuq swcigih, doiqciuq hwnqguh gih guhyiengh 《Hengzdoengh Fueng- anq》, hopheux gaiq hongsaeh “haj aen suenranz”, mboujduenh daezsang gij caetliengh caeuq suijbingz hwnqguh gih guhyiengh. Aeu faenloih yungh banhfap、cinjcing okrengz, swcigih caengzmienh aeu daiqdaeuz ca daengxbuenz、dungjcouz doinyoengx, si yienh caengzmienh aeu laebdin saedsaeh、lai miz daegsaek, hagdangz、lajmbanj、segih、giyez doengh gij dieg neix aeu gag rox bae guh、souj goek cauh- moq, guhbaenz aen buenz guhhong gizgiz nangq- daengz caez、cizcwz mingzbeg、gwnz laj lienzdoengh、faengaep fucwz, haeujyamq doinyoengx hwnqguh gih guhyiengh coh laeg coh vang mbe’gvangq. Aeu gyaak lingjdauj、haenqca doekguh, gak guh cizcwz bonjfaenh、 caez ca caez guenj, haeujyamq doinyoengx hwnqguh gih guhyiengh guh laeg guh saed、ndaej raenhamq.(Yinz Gez Vangz Yinz)