Bonjbauq siusik（gicej Vangz Yigiz）8 nyied 27 hauh daengz 29 hauh, hozdung gyauhliuz saedhengz gak cuz ginzcung couqmaenh gij eiqsik Cunghvaz Minzcuz ranz vunz ndeu (geiz daihroek) youq Hocouh Si guh, hozdung youz Swcigih Minzcunghveij cawjbanh， Hocouh Si Minzcunghveij ciepbanh. 33 boux bouxguhhong gihcwngz daj Liujcouh、 Gveilinz、 Vuzcouh、 Hocouh daengj si minzcuz yangh、 cin(gai)、 mbanj (segih) daengj daeuj camgya hozdung. Doenggvaq guh hozdung cazyawj gyauhliuz lai cungj lai yiengh demgiengz gij roxnyinh gvisug Cungh- vaz Minzcuz ranz vunz ndeu, mbouj- duenh coihaeuj “haj aen nyinh- doengz”, cauh ok gij heiqfaenh ndei gak cuz ginzcung doxgiet buekguh、doxbang baenaj, vih hwnqguh couqmaenh gij eiqsik Cunghvaz Minzcuz ranz vunz ndeu okrengz.

Hozdung hopheux hwnqguh gih guhyiengh couqmaenh gij eiqsik Cunghvaz Minzcuz ranz vunz ndeu、cauhlaeb minzcuz doxgiet、 senj dieg senj ranz anbaiz、 lajmbanj saenqhwng daengj hong guh gingniemh gyauhliuz, gyoengq bouxguhhong gihcwngz saeddeih cazyawj le Bingzgvei Gih Gai Sihvanh Vwnzvaz Segih、 Bingzgvei Gih Minzcuz Yozyau、 Bingzgvei Gih Ngozdangz Cin Mbanjcauzdui daengj dieg, cungdenj roxyiuj cauhlaeb minzcuz doxgiet baenaj haeuj segih、 hagdangz、 giyez daengj cingzgvang, roxyiuj gij goj minzcuz doxgiet caeuq lizsij saehsaed gak minzcuz “sam gyau” dangdieg, roxyiuj yendai nungzyez、 hwnqguh saekhoengz lijyouz lajmbanj caeuq anbaiz ndei hong senj dieg senj ranz daengj mizgven cingzgvang. Hozdung iucingj le boux guhyiengh daengx guek minzcuz doxgiet baenaj Gyangh Vanjyingh daeuj gyauhliuz gingniemh hong minzcuz doxgiet baenaj, gangj gij gingniemh caeuq gamjsouh 36 bi daeuj guh saehnieb minzcuz gyauyuz de. Lij iucingj le boux lauxsae Hocouh Yozyen guh lwnhgangj saedguh daejniemh hamj gyaiq densangh.

Daihgya cungj nyinhnaeuz, baez hozdung neix neiyungz cungsaed、 hingzsik lai cungj lai yiengh, gawq miz lijlun cijdauj youh miz saedhengz cazyawj, daezhawj le siengjfap dijbauj caeuq gingniemh baenzyungh. Daihgya naeuz, hag ndaej doxgaiq liux baema yaek yungh daengz gij hong bonjfaenh bae, cizgiz hag gij gingniemh ndei、 guhfap ndei, giethab bonjdieg saedsaeh cauhmoq fuengfap hong minzcuz, engq ndei coicaenh gak cuz ginzcung “sam gyau”, caezcaemh doxgiet buekguh、 doengzcaez mwnhoengh hwngfat, vih sij biencieng Gvangjsih gij yendaiva yiengh Cungguek gietcomz gij rengzhab engq giengz.