Siz Ginbingz dungzci 《Lwnh Dawzmaenh Cienzmienh Haeujlaeg Gaijgwz》 Gienj Daih’it、Gienj Daihngeih Cunghgung Cunghyangh Dangjsij Caeuq Vwnzyen Yenzgiuyen bien haenx, mboengqneix youz Cunghyangh Vwnzyen Cuzbanjse okbanj, youq daengx guek fathengz.

Faenzgauj bouh sawcomz neix ciuq seiz gonqlaeng bienbaiz.《Lwnh Dawzmaenh Cienzmienh Haeujlaeg Gaijgwz》 2018 nienz 12 nyied okbanj haenx, ginggvaq Dangjcunghyangh baecinj youh caiq okbanj, gaij heuh 《Lwnh Dawzmaenh Cienzmienh Haeujlaeg Gaijgwz》 Gienj Daih’it, souloeg 73 bien faenzgauj youqgaenj Dawzmaenh cienzmienh haeujlaeg gaijgwz duenhseiz 2012 nienz 12 nyied daengz 2018 nienz 12 nyeid Siz Ginbingz dungzci. Gienj daihngeih souloeg 92 bien faenzgauj youqgaenj Dawzmaenh cienzmienh haeujlaeg gaijgwz duenhseiz 2019 nienz 1 nyied daengz 2025 nienz 4 nyied Siz Ginbingz dungzci, ndawde mizmbangj faenzgauj dwg baez nduj goenghai fatbiuj.

Gaijgwz hailangh dwg aen fapbauj youqgaenj saehnieb dangj caeuq bouxminz yamqhung gaen hwnj seizdaih. Gaiq Cibbet Samcung Cienzhoih Dangj hainduj seizdaih moq cienzmienh haeujlaeg gaijgwz、diuz roen moq doihaeuj gaijgwz daengx aen dajveh, haicauh aen buenz moq gaijgwz hailangh guek raeuz, doenghbaez caengz guh gvaq. Gaiq Cibbet Samcung Cienzhoih Dangj daengx buenz maeuzveh gyalai cienzmienh haeujlaeg gaijgwz、doihaeuj gij yendaiva yiengh Cungguek, doinyoengx cienzmienh haeujlaeg gaijgwz coh gvangq coh laeg bae guh. Siz Ginbingz cungjsuhgi caenndang daiqlingx、caenndang anbaiz、caenndang doinyoengx hong cienzmienh haeujlaeg gaijgwz, gohyoz cungjgez lizsij gingniemh, gyalaeg gaemdawz gaijgwz gvilwd, yungh gij laebciengz yawjfap fuengfap Majgwzswh cujyi, daezok baenzroix swhsiengj moq、yawjfap moq、lwnhduenq moq, mingzbeg hoizdap seizdaih moq vihmaz aeu cienzmienh haeujlaeg gaijgwz、guhlawz doihaeuj cienzmienh gaijgwz doengh gij vwndiz youqgaenj neix, cauhbaenz dingz gapbaenz Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz ceiq fungfouq、ceiq sengdoengh、ceiq miz cauh’eiq, doiq gyalai cienzmienh haeujlaeg gaijgwz, aeu gij yendaiva yiengh Cungguek bae cienzmienh doihaeuj hwnqguh aen guekak、aen saehnieb hung- mbwk minzcuz, ndaej dazyinx lai raeuh!(daj Sinhvazse aeu daeuj hoiz)