Mboengqneix, Denzdungh Yen guh aen ban son ganbu capmbanj gangj vah minzcuz bi 2025, daengx yienh gak mbanj suhgi daih’it、gunghcoz duiyenz ngamq baij daeuj caengz sug gangj Vahcuengh haenx daeuj caeuqfaenh, gungh miz 58 boux.

Baezneix gungh son song ngoenz, lauxsae daj Vahcuengh singmeh yinhmeh、singdiuh、sawloih caeuq gangjgoj doengh gijneix bae son, miz aenbaez gangjgoj、haeuj ranz bae cunz gangj maz vah, caeuq gejdoeg mizgven cwngcwz vah minzcuz. Gyoengq lauxsae doenggvaq dangciengz son、faencuj doxgangj caeuq son eu fwen hawj gyoengq bouxhag lai sug, gyoengq bouxhag roxnyinh mizyinx raixcaix, cungj haeujsim bae dingq bae lienh. Gyoengq bouxhag naeuz, doenggvaq baez son’gyauq neix, bonjfaenh lai rox gangj Vahcuengh, hawj bonjfaenh caeuq vunzlai lai rox lai sug.

(Liengz Yihbingz)