第十四期

原文：

杨靖宇，原名马尚德，1905年生于河南省确山县一个农民家庭。学生时代积极投身反帝爱国运动。1927年加入中国共产党。大革命失败后，组织确山起义，任农民革命军总指挥。1928年后，在河南、东北等地从事秘密革命工作。1929年春任中共抚顺特别支部书记，领导工人运动。杨靖宇先后5次被捕入狱，屡受酷刑，但坚贞不屈。

1931年“九一八”事变后，他任中共哈尔滨市委书记兼满洲省委军委代理书记。1932年秋被派往南满，组建中国工农红军第三十二军南满游击队，任政治委员，创建了以磐石红石砬子为中心的游击根据地。1933年9月任东北人民革命军第一军第一独立师师长兼政治委员。1934年4月联合17支抗日武装成立抗日联合军总指挥部，任总指挥。后任东北抗日联军第一军军长兼政治委员、东北抗日联军第一路军总司令兼政治委员。

在极其恶劣的条件下，在数倍于己的敌人前，杨靖宇冒着零下40摄氏度的严寒，发出这样的誓言：“一个忠实的共产党员，为民族解放事业，头颅不惜抛掉，鲜血可以喷洒，而忠贞不贰的意志是不可动摇的，最后胜利的决心是坚定的。”

1939年，在东南满地区秋冬季反“讨伐”作战中，他与魏拯民等指挥部队化整为零、分散游击，自己率警卫旅转战于吉林濛江一带，最后只身与敌周旋5昼夜。1940年2月23日，在濛江三道崴子，杨靖宇壮烈牺牲，年仅35岁。牺牲时，他的胃里全是枯草、树皮、棉絮，没有一粒粮食。

——共产党员网《抗日英雄 | 铁血将军杨靖宇：铮铮铁骨铸忠魂》（节选）

译文：

It

Cienggun Yangz Cingyij，

Cih gaeuq Maj Sangdwz；

Coh laeb haeuj dangjsij，

Gunghdwz riuz cien nienz.

Bi 1905，

De seng youq Hoznanz，

Dieg dwg Gozsanh Yen；

Ranz seih lwg vunzhong.

De youq hagseng seiz，

Couh miz eiq bauq guek；

Fanj di gij lwgguek，

Biek meh bae gwzming.

Bi 1927，

De haeuj Gungcanjdangj，

Ndawsim gij vuenangq；

Baenaj langh goengmingz.

Dagwzming saetbaih，

De caiq lingh gijyi；

Youq Gozsanh cujciz，

Nungzminz Gwzmingginh.

De dang cungjcijveih，

Vih Dangj raeuz okrengz；

Hwnzngoenz ndi baenz ngengj (ninz)，

Ceng ndaej cungqdoih haenh.

Bi 1928，

Hoznanz Dunghbwz daengj；

Gauj laeglemx gwzming，

De nyinhcaen gunghcoz.

Bi 1929，

Youq bihaenx seizcin;

Seih Cunghgung Fujsun,

Yin(guh) daegbied suhgi.

De daiqlingx gunghyinz,

Gauj yindung hwnjdaeuj;

Haj baez deng haeuj lauz,

Ndi lau cax gvej hoz.

Bi 1931,

“9·18”Saehbienq；

Cunghgung Hah’wjbinh,

Yin(guh) siveij suhgi.

Bi 1932，

Seizcou youh daeuj daengz；

Dangj baij bae Nanzmanj，

De simvan souhmingh.

Doq fatdoengh gunghnungz，

Daeuj camgya hungzginh；

Laeb Samcib Ngeih Ginh，

Mingz Nanzmanj Youzgiz.

Dang cwngci veijyenz，

Cujgen liux Banzsiz；

Hungzsiz dem Lazswj，

Youq neix guh cungsim.

Gwnhgidi laeb ndei，

Youzgizdui hengzdoengh；

Vunzdig cienz deng coemj，

Goemzgyaeuj nyiuzfadfad.

Bi 1933，

Ndwengouj Dunghbwz Swngj；

Yinzminz Gwzmingginh，

Itginh Duzlizswh.

De dang le swhcangj；

Giem cwngci veijyenz；

Hong muengz sim engq gaenx，

Ndaej daengz guenbing gyaez.

Bi 1934，

Youq bi de seiq nyied；

Lienzhab cih cibcaet，

Laeb gang Yiz vujcangh.

Gang Yiz Lenzhozginh，

Laeb cungjcijveihbu，

Dang bouxdaeuz de guh.

Bing yungjhu dingqnaeuz.

Laeng daengz liux Dungh- bwz，

Laeb Gang Yiz Lenzginh；

De dang Daih’it Ginh，

Ginhcangj giem cwngveij.

Youq Dunghbwz seizhaenx，

Gauj Gang Yiz Lenzginh；

Dang Daih’it Lu Ginh，

Cungjswhling cwngveij.

Diuzgen gig yakrwix，

Vunzdig lai geij boix；

Yangz Cingyij soemh bae，

Youq gyang nae doxhoenx.

De fatok siyenz：

“Gungcanjdangjyenz raeuz；

Yaek lauxsaed daiqdaeuz，

Gyaez guek raeuz minzcuz.

Vih gaijfang saehnieb，

Vut gyaeuj hix sij ndaej；

Lwed byoq baenz dah lae，

Engq mbouj ndaej suksaenq.

Gij mbouj fug ceiqheiq，

Ndi miz sim daihngeih；

Raeuz doengzcaez haenq- heiq，

Hingz ndaej guek anningz.”

Bi 1939，

Youq dieg dwg Nanzmanj；

Cingq cou doeng seizgan，

Hoenxciengq fanj “daujfaz”.

De caeuq Vei Cwngzminz，

Doengzsim cijveih bing；

Laeng vaq cingj veiz lingz，

Lingh bae guh gwzming.

De daiq gingjveilij，

Buet youq dieg Gizlinz；

Mungzgyangh gij rizdin，

Rin hed ce laeng cienz.

Doeklaeng de ndang dog，

Caeuq vunzdig doxhoenx；

Geuj haj hwnz haj ngoenz，

Ndi nam coenz dwgrengz.

Bi 1940，

Ndwenngeih ngoenz ngeih- sam；

Sanhdau Vaizswj hoenx，

Goemmingh nienz samhaj.

Vutmingh le ndaw dungx，

Cungj seih rumhaz roz；

Gvamqfaex dem faiqnoh，

Soh ndi miz naed haeux.

Ngoenzneix gwndaenj ndei，

Yaek ngeix daengz senhlez；

Dangj banhbu cwngcwz，

Raeuz genhgez yungjhu.

（都安瑶族自治县：蓝国武／Lanz Gozvuj）

Ngeih

Yangz Cingyij, yienzlaiz heuhguh Maj Sangdwz, 1905 nienz seng youq Hoznanz Swngj Gozsanh Yen aen ranz nungzminz ndeu. Hagseng seizdaih cizgiz camgya fanj di gyaez guek yindung. 1927 nienz gyahaeuj Cunghgoz Gungcanjdangj. Dagwzming saetbaih le, cujciz Gozsanh Gijyi, nyaemh Nungzminz Gwzmingginh cungjcijveih. 1928 nienz gvaqlaeng, youq Hoznanz、Dunghbwz daengj dieg guh mimiz gwzming gunghcoz. 1929 nienz seizcin nyaemh Cunghgung Fujsun Daegbied Cihbu suhgi, lingjdauj gunghyinz yindung. Yangz Cingyij gonqlaeng 5 baez deng gaemh haeuj lauz bae, baezbaez cungj deng hingznaek, hoeng giendingh mbouj ut mbouj fug.

1931 nienz “9·18” Swben le, de nyaemh Cunghgung Hah’wjbinh Siveij suhgi giem Manjcouh Swngjveij Ginhveij daihleix suhgi. 1932 nienz seizcou deng baij bae Nanzmanj, laeb Cunghgoz Gunghnungz Hungzginh Daih 32 Ginh Nanzmanj Youzgizdui, nyaemh cwngci veijyenz, cauhlaeb le aen youzgiz gwnhgidi aeu Banzsiz Hungzsiz Lazswj guh cungsim haenx. 1933 nienz 9 nyied nyaemh Dunghbwz Yinzminz Gwzmingginh Daih’it Ginh Daih’it Duzlizswh swhcangj giem cwngci veijyenz. 1934 nienz 4 nyied lienzhab 17 cih gang Yiz vujcangh laeb Gang Yiz Lienzhabginh Cungjcijveihbu, dang cungjcijveih. Doeklaeng nyaemh Dunghbwz Gang Yiz Lenzginh Daih’it Ginh ginhcangj giem cwngci veijyenz、Dunghbwz Gang Yiz Lenzginh Daih’it Lu Ginh cungjswhling giem cwngci veijyenz.

Youq gij diuzgen gig yakrwix lajde, youq baihnaj vunzdig beij bonjfaenh lai geij boix haenx, Yangz Cingyij soemh nit daj lingzya 40 doh haenx, fat ok doengh coenz vahmieng neix：“Boux gungcanjdangjyenz cungsaed ndeu, vih minzcuz gaijfang saehnieb, gyaeuj mbouj in vut bae, lwed ndaej byoq okdaeuj, hoeng cunggien mbouj bienq, gij eiqceiq mbouj ndaej doenghngauz, gij gietsim doeklaeng ndaej hingz gig giendingh.”

1939 nienz, youq ndaw dieg baihdoeng Nanzmanj seizcou seizdoeng fanj “dwkhoenx” hoenxciengq, de caeuq Vei Cwngzminz daengj, cijveih budui vaq baenz lingz、faensanq youzgiz, swhgeij daiq binggingjveilij cienj hoenx youq ranghdieg Gizlinz Mungzgyangh, doeklaeng caeuq vunzdig baenqcienq 5 hwnzngoenz. 1940 nienz 2 nyied 23 hauh, youq aen Mungzgyangh Sam Dau Vaizswj, Yangz Cingyij vutmingh, ngamq 35 bi. Dai seiz, ndaw dungx de mbouj miz saek naed haeux, cungj dwg nywjhawq、naengfaex、faiqmienz.

（来宾市兴宾区：欧仕委/Ouh Swveij）

（1）