7 nyied 21 hauh daengz 25 hauh, daengx gih minzcungh hidungj ganbu couqmaenh gij eiqsik Cunghvaz Minzcuz ranz vunz ndeu ciendaez beizyinbanh(geiz daihngeih) youq Gvangjsih Sevei Cujyi Yozyen banh. Beizyinbanh iucingj Guekgya Minzveij Cwngcwz Fapgvi Swh it gaep sinzsiyenz Fungz Cangzhaij, Swcigih Minzcunghveij dangjcuj suhgi、 cujyin Lij Cinlinz, Swcigih Minzcunghveij dangjcuj cwngzyenz、 fucujyin Cinz Hanvaz, caeuq Cunghyangh Minzcuz Dayoz、 Swcigih Dangjveij Dangjyau、 Gvangjsih Minzcuz Dayoz daengj conhgyah yozcej daeuj hwnjdangz. Swcigih Minzcunghveij dangjcuj cwngzyenz、 fucujyin Dwng Genhgenh camgya haiban yizsiz caemhcaiq gangjvah.

Baez beizyin neix cungdenj hagsib gij swhsiengj youqgaenj gvendaengz gyagiengz caeuq gaijndei hong minzcuz、 gij lwnhgangj youqgaenj gvendaengz hong cunghgyau、 gij iugouz youqgaenj gvendaengz lwnhgangj hong Gvangjsih Siz Ginbingz cungjsuhgi, gij lijlun caeuq saedhengz couqmaenh gij eiqsik Cunghvaz Minzcuz ranz vunz ndeu, gij cingsaenz Aen Hoih Hong Minzcuz Cunghyangh、Aen Hoih Hong Cunghgyau Daengx Guek, gezcwz baijbouh hungnaek mizgven hong minzcuz cunghgyau cunghyangh caeuq swcigih daengj. Gocwngz neiyungz bauhamz minzcuz cwngcwz lijlun、 hwnqguh gih guhyiengh couqmaenh gij eiqsik Cunghvaz Minzcuz ranz vunz ndeu、 senhconz gyauyuz、 gihcwngz ceihleix daengj lai aen fuengmienh.

Beizyin geizgan, daengxcungq yozyenz yiemzsouj yozfungh gijliz, yienh’ok cingsaenz yienghsiengq ndei, cauh’ok heiqfaenh hagsib gig naekna. Gyoengq yozyenz cungj naeuz, baez beizyin neix gaenjgaenj hopheux couqmaenh gij eiqsik Cunghvaz Minzcuz ranz vunz ndeu, neiyungz cungsaed fungfouq、 hingzsik lingzvued lai yiengh, lwnhgangj lijlun caemhcaiq cijdauj saedhengz, doiq guh gij hong riengzlaeng miz yungh lai. Daihgya foenfoen naeuz, yaek engqgya insik baez hagsib seizgei nanz ndaej neix, cietsaed cienjvaq soj hag soj siengj baenz gij gidij banhfap caeuq saedsaeh cingzyauq guh hong, vih Gvangjsih hwnqguh gih guhyiengh couqmaenh gij eiqsik Cunghvaz Minzcuz ranz vunz ndeu ok rengz engq hung.

Gak si laeb gih minzcunghveij(giz) yezvu guzgan、 bouhfaenh yienh(si、 gih) minzcunghgiz gizcangj, Swcigih Minzcunghveij gihgvanh ganbu、 sohguenj danhvei lingjdauj cwngzyenz, Gvangjsih Minzcuz Lijlun Cwngcwz Yenzgiusiz、 Swcigih Saujsu Minzcuz Gujciz Baujhu Yenzgiu Cunghsinh、 Swcigih Cunghgyau Donzdij Fuzvu Cunghsinh、 Gvangjsih Minzcuz Yijvwnz Yenzgiu Cunghsinh bouhfaenh ganbu gungh 92 boux yozyenz camgya beizyin.

（Vangz Li /王莉 Veiz Liujbingh/韦柳冰）