7 nyied 27 hauh, Liujcouh Si Dijyuzgiz lwnh vunzlai rox, Guekgya Dijyuz Cungjgiz Dijyuz Vwnzva Fazcanj Cunghsinh 7 nyied 24 hauh goengbouh aen dunghcih swhliu bauqsoengq danhvei senjhaeuj hanghmoeg maenhndei vwnzva dijyuz Cunghvaz bi 2025, Liujcouh Yungzsuij Myauzcuz Swciyen rag gyong Myauzcuz Yungzsuij ndaej senjhaeuj hanghmoeg minzcuz maenhndei vwnzva dijyuz Cunghvaz.

Ciuq cam rox, rag gyong Myauzcuz riuz youq Liujcouh Yungzsuij Myauzcuz Swciyen Ganjdung Yangh daengj 15 aen yanghcin, ndawde daegbied dwg ciet rag gyong Yauzgau Ganjdung Yangh ceiq hoengh. Baez daengz ciet rag gyong, Myauzcuz dangdieg caeuq vunzlai minzcuz wnq daengx ranz、daengx mbanj caez bae angqhoh, gyalai nyinhdoengz minzcuz vwnzva、hawj gak minzcuz lai doxcomz、lai doxrox. Yienghsaeh rag gyong Myauzcuz baenz aen daiz hung langhbaij caeuq cienzswnj gij laex ciuhgeq Myauzcuz caeuq aenvenz、fwen、ndangdaenj doenghgij vwnzva neix. Seizneix, aeu rag gyong Myauzcuz gaijbaenz caij din venz rag gyong, cungj minzcuz dijyuz doxdax hanghmoeg caeuq bengcag doxlumj.(Cinz Goh)