7 nyied 16 hauh, Cauhbingz Yen youq yenveij dangjyau banh aen ban son’gyauq ceihleix cunghgyau lajmbanj bi 2025. 160 boux dangjcujciz suhgi daj daengx yienh 160 aen mbanj(segih) daeuj camgya baez son’gyauq neix.

Son’gyauq daj “gij lwnhgangj youqgaenj gvendaengz hong cunghgyau Siz Ginbingz cungjsuhgi” “nyinhrox cunghgyau” “guh ndei gij siengjfap caeuq banhfap hong cunghgyau lajmbanj” “gejnaeuz gij cungdenj cwngcwz fapgvi cunghgyau” seiq fuengmienh, doiq gij fuengcim cwngcwz、 faplwd fapgvi、 saenqngiengx ndawbiengz daengj hong cunghgyau aen Dangj guh ciendaez son’gyauq, caemhcaiq giethab guhhong ginghyen caeuq caensaed anqlaeh bae son gyoengq yozyenz baenzlawz gveihfan guenjleix dieg saenqngiengx hozdung ndawbiengz, engq ndei daezsang gij eiqsik faplwd fapgvi caeuq cwngcwz suijbingz gihcwngz cunghgyau ganbu.

Doenggvaq son’gyauq, gyoengq ganbu gak aen mbanj(segih) foenfoen naeuz, boux minzcuz cunghgyau ganbu caeuq cunghgyau sinsizyenz gihcwngz dwg aen gvanhgen guh ndei hong minzcuz cunghgyau “aen goengleix doeklaeng”, guh boux cunghgyau ganbu caeuq cunghgyau sinsizyenz gihcwngz, wngdang mboujduenh gyagiengz hagsib cunghgyau cwngcwz fapgvi, mboujduenh daezswng guhhong naengzlig, nyinhcaen ciuqhengz cizvu, gibseiz fatyienh caeuq vaqgej gij yinhsu mbouj onjdingh cunghgyau lingjyiz lajmbanj, henhoh lajmbanj sevei huzndei onjdingh, vih lajmbanj saenqhwng cauh ok vanzging ndei.

(Couh Ancingh/周岸青 Cwngh Giz/曾 琪)