7 nyied 11 hauh, Bingzgoj Siveij Dungjcanbu daengz Sinh’anh Cin Gizsiengz Segih guh hozdung cawjdaez gyauyuz geiqniemh daengxcungq yinzminz dingjhoenx bauqfat 88 hopbi caeuq couqmaenh gij eiqsik Cunghvaz Minzcuz ranz vunz ndeu. Gizsiengz Segih Gihveijvei “song veij” cwngzyenz caeuq bouhfaenh dangjyenz daibyauj、 ginzcung daibyauj daengj camgya hozdung.

Duenzlwnhgangj aeu gij lizsij swhliu caeuq gij goj gamjdoengh, sengdoengh lwnh gij lizsij hungmbwk gvangqlangh gak cuz yinzminz Bingzgoj doengzsim dingjhoenx dizyinz. Daegbied cungdenj lwnhgangj le youq mwh guekgya miz nanh, gij rengzgietcomz caeuq rengzsengmingh hoenghhwd Cunghvaz Minzcuz doxgiet hwnjdaeuj yienjok haenx, lwnhnaeuz dingjhoenx ndaejhingz doiq cauxbaenz gij eiqsik Cunghvaz Minzcuz ranz vunz ndeu daeuj gangj miz lizsij yiyi hungnaek. Lwnhgangj neiyungz gaenjmaed doxrangh lizsij caeuq yienhsaed, dazyinx gyoengqvunz camgya hozdung haenx lai rox gij lizsij bietyienzsingq caeuq yienhsaed gaenjgipsingq couqmaenh gij eiqsik Cunghvaz Minzcuz ranz vunz ndeu guh diuz sienqmeh hong minzcuz aen Dangj seizdaih moq.

Gyoengqvunz camgya beizyin neix cungj naeuz, gij lizsij dingjhoenx Cungguek dwg Cunghvaz Minzcuz cizdij ndaejgeiq doengzcaez caeuq cingsaenz caizfouq, bietdingh aeu engqgya insik、 daihdaih cienzciep; doengzseiz gangj le aeu genhgez yungjhu aen Dangj lingjdauj, laebdin ganghvei swhgeij, cizgiz camgya cauxlaeb minzcuz doxgiet baenaj, lumj ndaek lwgloux nei gaenjgaenj doxgot youq itheij, caezcaemh henhoh henzguek anningz caeuq mwnhoengh.

(Lij Gyanghlanz/李江兰)