Angq lai liux,

Gyo’mbaiq hagdangz gij cingzngeih;

Hagsib swnghhoz caen vuenheij,

Gyoengqdou cungj geiq guh ciengxlwenx.

Hagdangz ndei,

Lauxsae son’gyauq geiq coq sim;

Hag rox gisuz caeuq bonjlingx,

Roeglwg yied mbin dingh yied sang.

Angq lai liux,

Ndaej gwn dangzvan angq rwi lai;

Aencingz hagdangz laeg lumj haij,

Gyoengqdou cungj maij coq simdaeuz.

Angq hagdangz,

Ndaej gwn ngaeux van angq daemz laux(hung);

Mboujlumz bouxgeq daeuj son’gyauq,

Dou yamq din laux(hung) bae baihnaj.

Hagdangz ndei,

Yendai Cizyen bouxboux baenz;

Ginwngz diemj rongh ciuhvunz haenq,

Gak cuz lwglaenj hwnj lohmoq.