Gij Eiqsik Cunghvaz Minzcuz Ranz Vunz Ndeu Bi 2025

6 nyied 23 hauh daengz 25 hauh, Yilinz Si youq siveij dangjyau banh aen ban son’gyauq ganbu couqmaenh gij eiqsik Cunghvaz Minzcuz ranz vunz ndeu bi 2025. 40 boux minzcuz ganbu maenhndei daj daengx si dangjcwng gihgvanh、 saehnieb danhvei daeuj camgya son’gyauq.

Baez son’gyauq neix gaenjndaet sienqmeh hong minzcuz seizdaih moq aen Dangj, dangzgoq neiyungz fungfouq、 hingzsik lai cungj lai yiengh, bauhamz aen swhsiengj sevei cujyi miz daegsaek Cungguek seizdaih moq Siz Ginbingz、 gij lwnhgangj youqgaenj Siz Ginbingz cungjsuhgi gvendaengz hong minzcuz caeuq hong Gvangjsih、 couqmaenh gij eiqsik Cunghvaz Minzcuz ranz vunz ndeu gyauyuz、cwngcwz hong cunghgyau、 yisiz hingzdai ancienz、 dangjgij lenzcwng gyauyuz daengj neiyungz, muzdiz dwg dazyinx yozyenz demgiengz “seiq aen roxyiuj”、 giendingh “seiq aen gagsaenq”, guh daengz “song aen henhoh”, cietsaed daezswng cwngci suyangj caeuq yezvu naengzlig.

Son’gyauq yungh gij fuengsik hwnjdangz ciendaez、 yienhciengz sonhag、 faen cuj yenzgiu daujlun dox giethab bae guh. Son’gyauq youq dangjyau hagsib lijlun caixvaih, lij cujciz yozyenz bae daengx guek minzcuz doxgiet baenaj mozfan cizdij —— Hinghyez Yen Sanhsinh Cin Mbanjsizgvei guh yienhciengz sonhag, doenggvaq saeddieg yawjhag、 baedauq gyauhliuz, hawj gyoengq yozyenz cigsoh gamjsouh gij saedguh sengdoengh cauhlaeb minzcuz doxgiet baenaj, gyalaeg lijgaij nyinhdoengz gij leixniemh ranz vunz ndeu.

Gyoengq yozyenz foenfoen naeuz, doenggvaq baez son’gyauq neix, gyoengqde engq lijgaij gij eiqsik couqmaenh Cunghvaz Minzcuz ranz vunz ndeu, baezlaeng yaek laebdin gangjvei, sawj gij cwngzgoj hagsib cienjvaq baenz gij hengzdoengh saedsaeh doidoengh saehnieb minzcuz doxgiet baenaj, cizgiz coicaenh gak minzcuz sam gyau, caemh sij bien moq minzcuz doxgiet seizdaih moq Yilinz.

(Yangz Cinghyinz/杨清云)