Mboengqneix, ndaw Nanzningz Si Guekgya Dangjan’gvanj, baij miz buek mbawheiq faenzsaw henjrwd ndeu. Baez langhbaij ciendaez gojgaeq minzcuz doxbyaij doxgyau doxyungz ndaw mbawheiq faenzsaw dangjanq gak minzcuz Gvangjsih youq gizneix haiguh, baez langhbaij neix dwg Gvangjsih Saujsu Minzcuz Gujciz Baujhu Yenzgiu Cunghsinh、Nanzningz Si Minzcunghveij、Nanzningz Si Guekgya Dangjan’gvanj caez banh.

“Genzlungz hajcib bi, geiq Cangh Dingzsin、Cangh Dingzvei geij boux nyaebgou faen reihnaz bya ranzyouq cojcienz doengh gij saeh neix, youq Liujcouh Si Sanhgyangh Dungcuz Swciyen dieg Dungcuz comzyouq soucomz.” Ndaw ding langhbaij, 80 gienh mbawheiq faenzsaw dangjanq seiz Cingdaih daengz Minzgoz roengzsim senj aeu haenx mbebaij youq ndawde. Moix baez gaicawx ndaw heiqnaz、heiqdieg, cungj dwg guhcingq Gvangjsih gak minzcuz haifwz haidieg、doxvuenh doxgaiq aeuyungh. Gyoengqde mboujdan dwg gij baengzgawq guh gaicawx, engq dwg gij siengcwngh minzcuz doxsaenq doxgap.

Baez langhbaij neix youq gwnzsienq caez guh, bouxyawj doenggvaq “Gvangjsih Vwnzva Ciuhgeq Maenhndei Soqcih Okbanj Bingzdaiz”, couh ndaej roxnyinh gij yinxdaeuz mbawheiq faenzsaw.

（Van Yizmingz）