第02版:man
3上一版  下一版4
 
Gij Cienzgangj Gamjyahmui
Lajmbanj Lozcwngz gizgiz heusausau vanzging gig ndei
Lauxdoengz
版面导航     
3上一期  下一期4
新闻搜索:  
3上一篇 2025年6月18日 放大 缩小 默认        

Lauxdoengz

□ Moz Lijginz / 磨礼勤
 

Vangz Gencingh naeuz:“Couh ciuq moix bingzfueng cibbet maenz hawj gou, dwg moix bau cibseiq maenz, mwngz couh aeu gij dan bouxgai caenfwngz sij haenx caeuq soujgih doiqciuq, aen soq ngoenzlawz seizlawz cungj geiq ndaej cingcuj caez.”

Cinz lauxbanj naeuz:“Seizbienh mwngz lo.”

Vangz Gencingh naeuz:“Vunzsai gangjvah it couh it, ngeih couh ngeih, gofaex dwg gofaex, go- nywj dwg go’nywj gaej dawz go- nywj bienq baenz gofaex.”

Laujuj sikhaek naeuz:“Ngoenz- lwenz gou bae lajmbanj raen ranz ndeu ndaem miz haujlai faex humx gvaq ranz seiqhenz bae, ranz baihnaj miz benq dieghoengq ndeu gyaeundei lumj sei lumj veh.”

Vangz Gencingh naeuz:“Lajmbanj faex henzranz couh lai lo, mwngz lai bae geij baez, go’nganx、golaeh、gorungz hung gvaq ndang vaiz, cien bi、 geij bak bi cungj miz.”

Laujuj naeuz:“Gou bae ranz haenx miz di daegbied, laj gofaex baij miz haujlai diuz giemxdourin ciuhgeq, geij cib bi gvaqbae, ngoenzlwenz gou dauqcungz yawjraen, singjsien raixcaix.”

Vangz Gencingh naemj, mbanj gyawz bouxlawz caeuq de ityiengh doiq giemxdourin ciuhgeq miz yinxdaeuz? De cam:“Mwngz daengz mbanj gizlawz raen giemxdourin?” Laujuj naeuz:“Gou mbouj rox coh mbanj, dwg gou hai ci soengq song dah lwgnyez caeuq daxmeh cawx saw haenx bae daengz bakdou ranz.”

Cawx saw? Vangz Gencingh naemj daengz dahhung de caeuq dahlwg Laujliuz heuh vunzlai gien cienz cawx saw, de cam:“Song dah lwgnyez heuh gijmaz mingzcoh?” Laujuj naeuz:“Dah ndeu heuh……heuh Vangz gijmaz lo.” “Vangz Meijyen.” Vangz Gencingh naeuz. “Dwg lo dwg lo.” Laujuj naeuz, de cam Vangz Gencingh:“Mwngz baenzlawz rox dwg Vangz Meijyen?” Vangz Gencingh naeuz:“Vangz Meijyen couhdwg dahlwg gou lo.”

Laujuj doeksaet dwk dinghcaem cimyawj Vangz Gencingh, Cinz lauxbanj hix roxnyinh daengz miz di geizheih, naeuz: “Dingjlingz ndaej lumj denyingj nei.” Vangz Gencingh gamjdoengh dwk naeuz:“Docih mwngz ho Uj ginghlij, haemhneix gou cingj sou gwn haeux.” Cinz lauxbanj naeuz:“Bae, bae, gou cingj, gyawz miz bouxguhhong cingj lauxbanj gwn haeux.”

(33)

 
3上一篇  
 
   
   
   


版权所有 广西民族报

联系电话:0771-5528076 5559552
传真:0771-5528087 电子邮箱:gxmzbw@163.com
地址:广西南宁市桂春路16号 邮政编码:530028
 

关闭