Mboengqneix, gih raeuz yaenqfat 《Aen Fueng’anq Guh Aen Hengz- doengh Cienhangh Daezswng Gij Suijbingz Fugsaeh Minzcwng Dieg Henzguek Guengjsae》, hopheux gijgip gijhoj gijyou gijmuengh vunzlai henzguek, naznangq aen gvaengx yezvu minzcwng, cungdenj doihaeuj 34 hangh hanghmoeg sezsih fugsaeh minzcwng caeuq 9 hangh hanghmoeg fugsaeh dajcawx, hawj gij suijbingz fugsaeh dieg henzguek caeuq bouxminz gvaq ngoenz lai ndei.

Hopheux “bouxlaux lwgnyez”, fueng’anq daezok aeu haeujlaeg guh gij yienghsaeh fugsaeh gvansim bouxlaux ndangcangq; hwnq- moq(gaijguh) buek hozdung sezsih bouxlaux yienh、yangh、mbanj ndeu. Laebndei aen muengx fugsaeh ciengxlaux, lai hwnq aen cungsim fugsaeh ciengxlaux yanghcin（gaihdau） dieg henzguek, lai bang bouxlaux lajmbanj dieg henzguek cawj soengq gaiqgwn. Doihaeuj guhndei gij sezsih fugsaeh fukleih lwgnyez dieg henzguek, hawj fugsaeh lai ndei, doinyoengx aen gihgou fukleih lwgnyez “haidou banh yienh”, dajcauh dieg cazyawj dagrau fugsaeh gvansim lwgnyez caeuq aen hanghmoeg goeng’ik swnzsienh lwgnyez miz daegsaek henzguek, guhlaeg aen hengzdoengh goeng’ik dazfwngz “lwgnyez”.

Gizdieg gyalai fukheiq bouxminz, fueng’anq daegbied gangj daengz haenqrengz dajcauh aen binjbaiz saedhengz cauhmoq“dangjgen+ndawbiengz gouqcoengh”, hawj gij suijbingz guenjleix gveihfan hong ndawbiengz gouqcoengh caeuq gij suijbingz fugsaeh baujcang hongsaeh ndawbiengz lai ndei， haeujcoengh dieg henzguek dajcauh aen binjbaiz fugsaeh ndawbiengz gouqcoengh miz daegsaek henzguek baihnamz guekcoj, doihaeuj dihbauj gya’gvangq demndaej. Gizdieg ceihleix ndawbiengz gihcwngz, fueng’anq daezok laebndei daengx aen fugsaeh swnzsienh sam gaep “yienh、yangh(cin)、mbanj” henzguek, ganq buek binjbaiz sevei cujciz “raeuj bien maenh bien” he, guhlaeg gaijgwz gaijbienq fungsug gaeuq, guhlaeg doihaeuj “aen hengzdoengh mbanj okmingz”.

Linghvaih, fueng’anq lij dingh- mingz aeu guh gij “ginghci byoemhau” miz daegsaek henzguek, gyaak aen gvaengx lwgnyez daegbied Cungguek—Dunghmungz doxgyau doxgap, damqra yienghsaeh doxgyau gij hongdawz dauqfuk ndangcangq caeuq Dunghmungz mizgven guekgya haenx; daezok gyaak hwnqguh fapceih、doihaeuj hwnqguh daengx aen fugsaeh minzcwng civei henzguek doengh gij banhfap neix, cuknet giekdaej hong fugsaeh minzcwng.

(Hoz Mingzvaz Anh Cunghfangh)