Geij bi neix daeuj, Dunghlanz Yen haeujlaeg saedhengz gij swhsiengj youqgaenj gyaak caeuq gaijndei hong minzcuz Siz Ginbingz cungjsuhgi, cauhlaeb “dieggiek saekhoengz+yenzgiu hagsib saedguh+saekhoengz lijyouz doxyungz” lai guh vwnzva saekhoengz nyinh henzguek, doinyoengx gihyinh saekhoengz yungzhaeuj hwnqguh Cunghvaz Minzcuz ranz vunz ndeu bae.

Hwnjmbaek dajcauh dieggiek saekhoengz. Dunghlanz aeu 45 dieg dieggaeuq gwzming dajcauh baenz dieggiek son’gyauq minzcuz doxgiet gaep swcigih、gaep guekgya, Veiz Bazginz Geiqniemhguenj、Suen Vwnzva Yinghyungz Mbanjcuengh faenbied ndaej ancoh baenz dieggiek guhyiengh son’gyauq aigoz cujyi daengx guek caeuq dieggiek son- gyauq minzcuz doxgiet baenaj daengx guek. Haifat 704 monz goq daezcaiz saekhoengz, aeu couqmaenh gij eiqsik Cunghvaz Minzcuz ranz vunz ndeu gvihaeuj goq aeu hag bae; laebhwnj aen gihci cienzboq sam gaep “cingsaenz gejmax—cauh gyaciz—comz doxrox”, daezlienh gij minzcuz bingzdaengj caeuq doxgiet lijlun Veiz Bazginz mwh guh gwzming faen reihnaz naeuz haenx, gyalai nyinhdoengz Cunghvaz Minzcuz.

Cauhmoq haiguh yenzgiu hagsib saedguh. Baengh dieggiek son’gyauq saekhoengz guh dangzgoq iq、yenzgiu hagsib saekhoengz daengj. Guhbaenz gij binjbaiz “dieggiek saekhoengz+dangzgoq yenzgiu hagsib+yingjsi cozbinj”. “Dwng Siujbingz seiq haeuj Dunghlanz、haj doh Dahhoengz” riengz rizdin vunzhung byaij baenz dangz miz daegsaek yenzgiu hagsib saekhoengz. Heiq go minzcuz《Gobaz》 yungh Fwenleuz Bouxcuengh caeuq go daihneix doxyungz yienj okdaeuj, doinyoengx gij swhyenz saekhoengz ndaej cienj coh son’gyauq minzcuz doxgiet, hawj gak cuz bouxminz lailai roxyiuj caemhcaiq dawzmaenh “haj aen nyinhdoengz”.

Lai doinyoengx saekhoengz lijyouz doxyungz. Geij bi neix daeuj, Veiz Bazginz Geiqniemhguenj、Suen Vwnzva Yinghyungz Mbanjcuengh daengj dieggiek son’gyauq saek- hoengz caeuq Gamjlezningz daengj dieggingj baeyouz saekhoengz baenz aen dieg youqgaenj gak minzcuz doxgyau doxdoeng. Bi 2011 doxdaeuj, Dunghlanz Yen gungh ciepdaih daengx guek gak cuz ganbu vunzlai 917.35 fanh vunzbaez, doenggvaq lai yiengh guh son’gyauq gwzming conzdungj; aen yienh neix ndaej bingz baenz “Cungguek saekhoengz deihbiu”, caemhcaiq senjhaeuj Gvangjsih bi 2022 saekhoengz lijyouz doxyungz hwngfat sawqdiemj danhvei.

(Vangz Haujyungj)