De lij daengq naeuz ndaw ban dan gou boux minzcuz vunznoix dog, engq aeu lai caeuq doengzhag doxndei doxhuz. Miz mbat boux doengzhag doxndei he cam gou ciq song bak maenz dajsawj, gou dwen daxboh nyi, de doq lai fak cienz hawj gou. Daxboh soqlaiz son gou naeuz, vunzhenz bungz daengz saehhoj, aeu lai haeuj lai nai de, ndaej bang cix bang, bang vunz liuxle bonjfaenh cix sim’angq. Gij yiengh gyauq lwg gag ndangsoh daxboh neix, ndaej gou ciuq guh hag gvai, seizseiz diemjnaeuz bonjfaenh aeu guh bouxvunz simsienh.

Sam

Yaek daengz mwh daihhag bizyez, yiengh saeh ceiq youqgaenj couhdwg ra hong lo, baeznaengz gyoengq doengzhag lwnhgangj ceiqlai caemh dwg ra hong, lumjnaeuz mbangjboux gaenq caeuq danhvei ciemiek，dou cungj hozhaenz dangqmaz. Gou caeuq doengzhag hix bae hoihciugoeng rahong, fat genjliz bonjfaenh hawj aen danhvei aeuvunz de baez dem baez, hoeng cungj mbouj saekaen aeu daeggou.

Vunz a cungjdwg ngoenzneix ngvanh yienghneix ngoenzcog naemj yiengh’wnq, bouxvunz gou lai haengj youqdingh an’onj mbouj maij doeng bienq sae doengh, mwh lak ra hong muengh ndaej haeuj aen danhvei miz benhci, guhhong saedceij onjdwddwd, hoeng yaek daengz mwh bizyez gou sawqmwh mbouj siengj dauq baema ranzmbanj ngoenzngoenz riz din cungj doxdoengz, dauq muengh ndaej bae rog sawq buek mbat yawjyawj. Mwhnwngq gaiq dou neix lij bau faenboiq, hoeng faenboiq hongguh ne aeu dauq baema ranzmbanj, caemhcaiq guh hong maz caemh mbouj rox. Ndigah 6 nyied 30 hauh bizyez le gou doq caeuq geij boux doengzhag, caez bae daengz Sanhdungh Cijnanz gya giyez guh cehfaen he. Neix dwg gya swhyingz giyez cienmonz gai gij ceh gverang he, lauxbanj dwg vunz Cuhhaij. Aen giyez neix saeq lai, daiqlienz lauxbanj dan miz seiq haj boux vunz, bae daengz raen dahcej ndaw hagdangz he caemh youq gizneix, gijdou cungj sim’angq lai. Giz diegyouq giyez haemq rwix, geij boux doengzhag caenx youq aen fungh ngeihcib geij bingzfueng he, beiznae cungj mboujmiz, hwngq dangqmaz. Lak haidaeuz geij ngoenz dou roengz daengz geij aen gihdi ndaem gverang ndaw yanghcin henzhamq Cijnanz, bae cazyawj go gverang didmaj ndaej baenzlawz yiengh, doigai cehfaen gverang. Ngamq guh ndaej aen singhgiz he, gou couh yienq lo, aiq dwg aen giyez neix saeq lai, caemhcaiq doengzhag mwngz gou aeu caegcaeg doxbeij doxdaeuq, gou mbouj haengj baenzneix. Gou vanzlij dwg roengzsim dauqma ranzmbanj Hozciz ra hong guh. Hoeng mwhde ndaw fwngz gou mboujmiz geij maenz ngaenz, cawx biuqci dauqma ranz cungj mbouj gaeuq, ndigah cam dahcej ciq lauxbanj sam bak maenz, yienzbonj lij lauheiq lauxbanj hujheiq gou swzhong mbouj ciq hawj, hoeng goeng de cix mbon hawj seuqsad. Baenzneix gou caiq beqhwnj aendaeh mbouj coux miz geij geu buh, daj Cijnanz naengh ci dauqma mbanjranz, itloh coh baihnamz, ma daengz Ginhcwngzgyangh giz dieg hingzcwng cungsim Hozciz mwhde youq.

Goengboh gaxgonq ok haujlai rengz ra vunz doigawj gou bae aen Hozciz Digih Suijgoj Giz guhhong, aenvih gou hag aen conhyez faexmak, habngamj lai. Doeg daihhag seiz, cungj mbouj rox mbanjranz miz aen danhvei yienghneix. Mboengqde cingqndei miz boux dungzci he diuh deuz, hoengq aen benhci he, caemh aeu ciu vunz. Gou 6 nyied co gag daj Vujhan ma Ginhcwngzgyangh gvaq, ndenq genjliz hawj danhvei naeuz faenh hong neix hab gou guh. Ndigah gou daj Cijnanz ma daengz Ginhcwngzgyangh le, couh bae Hozciz Digih Suijgoj Giz camcam yawj. Boux ciepdaih gou dwg daegbeix Mung Yenz, de bizyez caeux gou bi ndeu. Haet nwngq song dou gangjgoj haujlai nanz, dauqdaej nienzgeij ceng mbouj lai miz haujlai gyaezmaij doxcaemh. Gou caemh rox, danhvei gaenq gietdingh loegyungh gou lo, cingq ciuq yamqloh bae banh, seizneix ceiq youqgaenj dwg aeu bouxdaeuz diveij faenguenj yinzsw de ciem coh. Hoeng gou mbouj roxnaj dwg bouxlawz, mbouj rox yaek baenzlawz yiengh lo.

Yaek daengz banringz, gou daj ndaw laeuz danhvei byaij okdaeuj. Aen laeuzbanhgoeng neix caenh miz sam caengz, hwnq youq hamq gai, ndaw laeuz miz haujlai aen danhvei lumjnaeuz fazgaij、doengjgeiq、nungzban、lauzdung、yinzsw、ginghhezban daengj youq neix banhgoeng，dou naeuz neix dwg “Lenzhozgoz”. Byaij ok douhung lij aeu roengz cib geij mbaek lae cij daengz hamq roen. Gou doq roengz lae, doq nyeux yawj doiqmienh, mwhde, gou nyeux raen daxboh byaij youq gwnz roenraiz roen doiqmienh. De caengz yawjraen gou, lij byaij bae dem. Gou sawqmwh hemq de, yamq song sam mbaeklae buet roengzbae, buet bae doiqmienh roen. Daxboh ndaej rox gou ma Ginhcwngzgyangh, hoeng mbouj rox gou youq gizlawz, cix caengz gangj gvaq de aeu daeuj ra gou. Mwhde miz saeh cungj baengh daj dienhvah gwnz daiz gangj, siengj ra boux vunz cungj hoj, mbouj lumj seizneix swnhfwngz baez naenj couh ndaej lo. Raennaj le, daxboh naeuz daeggou nyi, de ndaej rox gou ma Ginhcwngzgyangh, hoz mbouj onj, couh naengh sam diemj lai cung ci daj Duh’anh daeuj ra daeggou. Gou naeuz daxboh nyi gij saeh gvendaengz danhvei aeuvunz, de baez yaepda doq dingh naeuz banringz couh bae ra boux lingjdauj diveij. Dou cawx di maklaehcei he, cam boux dawz boux cij mo daengz aen ranz lingjdauj. De sangsang byombyom, naj riunyumnyum, daz dou haeuj ranz. Dingq daeggou gangj liux cingzgvang bonjfaenh, de sijsaeq bae yawj mbaw genjliz caeuq cingzcik gou, raen gou youq ndawhag cingzcik maqhuz ndei, lij ndaej bingzbaenz boux hagseng gvaindei, dang gvaq ganbu guenj ban, caemhcaiq daj aen yenyau cungdenj bizyez, lijdwg haemq habhoz.

（3）

特别提醒全班只有我是少数民族，更应和同学搞好关系。有一次一位要好的同学向我借二百元生活费，我跟父亲提到这事，父亲立即给我增加了汇款。父亲一直教导我，对于别人的困难，要将心比心，能帮就帮，赠人玫瑰手有余香。这种言传身教，深深地影响着我，时刻警醒自己做一个善良的人。

三

临近大学毕业，最重要的是找工作了，同学们平时谈论最多的也是找工作，比如某某已经和某个单位签约，羡煞了旁人。我也和同学们去参加招聘会，不断把自己的简历寄给有希望录用的单位，但结果总是令人失望。

人的思想是不断变化着的，开始找工作的时候我想去一个有编制的单位，过一种稳定的生活，因我是一个喜静不喜动、喜欢稳定而不喜变化的人，但越临近毕业心里忽然有一种冲动，想到外面闯，不想回老家过那种按部就班的生活。当时我这届还有分配，但分配工作的话需回老家，且岗位如何也不知道。于是在6月30日毕业后我便与几位同学一起，到了山东济南一家种子企业。这是一家私营企业，专门销售香瓜种子的，老板是珠海人。企业很小，连老板一起就四五个人，到后发现一名学姐也在这里，大家很高兴。企业住宿条件很简陋，几个同学挤一间二十平方米的房间，没有空调，很热。刚开始几天我们下到济南附近乡镇的香瓜基地，察看香瓜长势，推销香瓜种子。一个星期下来，我就不喜欢这项工作了，也许是企业太小，还有同学之间开始有一种无形竞争的微妙氛围，是我所不喜欢的。我决心还是回河池老家找工作。而这时我手中拮据，没有回家的路费，于是通过学姐向老板借了三百元，本来担心老板因我辞职不高兴不同意借钱的，但他却爽快答应了。于是我又背着简单的行囊，踏上回乡之路，从济南一路南下，到达河池当时的行政中心所在地金城江。

父亲之前多方努力通过熟人向河池地区水果局推荐了我，因为我学的是果树专业，很对口。读大学时，却不知家乡有这么一个单位。单位刚好有一名同志调出，空了一个编制，也需要招人。我曾于6月初独自从武汉到金城江，向单位毛遂自荐，递交了简历。于是，我从济南回到金城江后，就到河池地区水果局了解情况。接待我的是孟源兄，他比我早毕业一年。那天上午我和他聊了很久，毕竟同龄人有许多共同话题。我也知道，单位已研究决定录用我，程序正在走，现在关键是需要分管人事的地委领导签字。但我不认得领导啊，不知结果怎样。

临近中午，我从单位大楼出来。该栋办公楼只有三层，建在街道边，楼中有发改、统计、农办、劳动、人事、经协办等多个单位办公，我们笑称之为“联合国”。出了大门还需下十几个台阶才到路边。我下台阶时，眼睛随意望向路对面，这时，我竟然看见父亲在路对面的人行道上走。父亲没看见我，继续往前走。我激动地叫了起来，三步并作两步跑下了台阶，冲向路对面。父亲知道我回了金城江，但他不知我住在哪，也没说要来找我。当时的通讯主要靠固定电话，远没像今天这么发达，联系个人没那么容易。见了面，父亲告诉我，他知道我回金城江后，放心不下，就从都安坐了三个多小时的车来找我。我把单位录用有关情况告诉了父亲，父亲当机立断，决定中午就去找地委领导汇报。我们买了些荔枝，东问西问找到了领导家。领导身形高瘦，态度和蔼，客气地请我们进屋。听了我的情况介绍后，领导很仔细地看了我的简历和成绩单，见我在学校成绩不错，还被评为校三好学生，担任过班干，而且是重点院校毕业，对我还是认可的。