第十二期

原文: 天雷滚滚我好怕怕，劈得我浑身掉渣渣。突破天劫我笑哈哈，逆天改命我吹喇叭。嘀嗒嘀嗒嘀嘀嗒。 ——电影《哪吒之魔童闹海》

译文：

1

Coengzlaiz dailix cungj yawj cit,

Guhsaeh itcig nyig lauxdien.

Mingh gou youz gou mbouj youz dien,

Siujyez bienq caengj mbouj bienq sien.

（平果市：李雄章/Lij Yungzcangh）

2

Soqlaiz dailix mbouj yungh you,

Cienmonz caeuq mbwn iu doiqdingj.

Diuzmingh youz gou mbwn mij dingh,

Goeng iq gingq fangz mbouj gingq sien.

（来宾市兴宾区：陆安荣/Luz Anhyungz）

3

Dailix coengzlaiz cungj yawj mbaeu,

Cienmonz caeuq mbwn guh doiqdingj.

Gou mbouj hawj mbwn gaemguenj mingh,

Cingznyienh baenz fangz mbouj baenz sien.

（南宁市武鸣区：覃洁/Cinz Gez）

4

Soqlaiz dailix da mbouj nem,

Gamj ndij goengmbwn daeuj doxhemq.

Mingh gou youz gou mbwn gaej nemz,

Nyienh baenz duzfangz mbouj guh sien.

（平果市：罗金宏/Loz Ginhhungz）

5

Mingh bienq yienghlawz yawj mbouj naek，

Caeuq mbwn doiqdingj dingj daengz gyaeuj.

Mingh gou youz gou mbouj youz mbwn，

Faenh gou baenz fangz mbouj baenz sien.

（上林县：苏达进/Suh Dazcin）

6

Coengzlaiz dailix gou mbouj lau,

Cienmonz caenjhoz bouxyakrwix.

Mingh gou youz gou mbouj youz mbwn,

Dai le guh fangz mbouj guh sien.

（西林县：韦海健/Veiz Haijgen）

7

Mingh gou youz gou mbouj youz mbwn,

Gwndaenj dailix gaenq yawj cit.

De naeuz gaj gaeq gou gaj bit，

Itdingh guh fangz mbouj baenz sien.

（平果市：陆丽兰/Luz Lilanz）

8

Soqlaiz dailix cungj ngonz damh, cien caeuq mehmbwn doxnyig guh. Mingh gou youz gou mbouj youz mbwn, gou nyienh baenz iu mbouj baenz sien.

（平果市：谭喜花/Danz Hijvah）

9

Soqlaiz dailix cungj yawjdamh,

Cien caeuq lajbiengz guh doxdoiq.

Mingh gou youz gou mbouj youz mbwn,

Lwgyez baenz fangz mbouj baenz sien.

（南宁市武鸣区：黄春暖/Vangz Cinhnonj）

10

Coengzlaiz dailix cungj yawj damh, cienmonz caeuq gwnzmbwn doxdoiq guh.

Mingh gou youz gou mbouj youz mbwn, goeng iq baenz duzfangz mbouj baenz bouxsien.

（大化瑶族自治县：韦雪妍/Veiz Sezyenz）

11

Dailix gou duj mbouj you mwngz！Gou nyinhnaeuz gijmaz deng, gou couh gaemhmengz guh roengzbae, nyinhnaeuz gijmaz loek, maihcaiq aenmbwn doemq roengzdaeuj epbik gou bae guh, gou ningznyienh dai hix mbouj guh. Diuz roen ciuhvunz gou baenzlawz byaij, gou gag naemj gag dingh, gou mbouj saenq mbwn mbouj saenq mingh. Gou ningznyienh hawj vunz ndaq naeuz dwg “duzfangzbyaiz mbouj dingq vah”, hix mbouj guh gij saeh yaemgoeng. Danghnaeuz sohgywnggywng bae youz bouxwnq roxnaeuz aenmbwn baijloengh, couhcinj vunzlai haenh gou baenz “saenzdoengz”, gou hix mbouj maqmuengh aeundaej.

(田林县：黄碧洋/Vangz Bizyangz)

12

Coengzlaiz dailix cungj yawj cit, cienmonz caeuq mbwn doxdingj hoenx.

Mingh gou youz gou daeuj gietdingh, gou bienq duzgvaiq mbouj bienq sien.

（上林县：蓝武坚/Lanz Vujgenh）

(sat)