4 nyied 25 hauh, Mungzsanh Yen Sinhhih Cin Mbanjbadouz aen giekdeih ndaem gvadiemz ndawde, boux conhgyah Swcigih Nungzyez Nungzcunh Dingh Camh Cijdauj Ciengx Duzrwi gangj duzrwi guhlawz bang go’gva cienz vafaenj hawj boux ndaem gva. Ciuq cam rox， aen camh neix youq daengx gih saedhengz aen hanghmoeg “guhyiengh caeuq doigvangq dinfwngz duzrwi cienz vafaenj”, daezhawj duzrwi cienz vafaenj mbouj aeu ngaenz, caemhcaiq fucwz gaen son dinfwngz. Bineix, youq Mungzsanh Yen 4 aen giekdeih sezsih nungzyez saedhengz aen hanghmoeg neix, nangqdaengz najdieg 400 lai moux, daezhawj duzrwi cienz vafaenj 100 sieng. (Vangz Swnglinz/黄胜林)