4 nyied 23 hauh， Nanzningz Si Fulenz、 Nanzningz Si Minzcunghveij、 Nanzningz Si Veiswngh Genganghveij lienzhab guh hozdung lwnhgangj cauhlaeb “aen gyadingz vuenyungz Nanzningz” caemhcuk “suenranz minzcuz doxgiet”——2025 nienz hwnqguh gih guhyiengh couqmaenh gij eiqsik Cunghvaz Minzcuz ranz vunz ndeu caeuq “dahcej Gvangjsih”.

Youq gwnz hoih lwnhgangj， sam boux bouxlwnhgangj “dahcej Gvangjsih” daj Nanzningz Si mbouj doengz hangznieb daeuj haenx hopheux aen cawjdaez couqmaenh gij eiqsik Cunghvaz Minzcuz ranz vunz ndeu guh lwnhgangj. Yienhciengz lij laeb guh ciengj hoizdap、 baijok doxgaiq minzcuz vwnzva、 minzcuz cwngcwz fapgvi cihsiz senhconz daengj.

Gaenh geij bi daeuj， Nanzningz gak hangz gak nieb bouxlwnhgangj “dahcej Gvangjsih” haeuj gihgvanh、 haeuj giyez、 haeuj segih、 haeuj ndawmbanj、 haeuj hagdangz， aeu couqmaenh gij eiqsik Cunghvaz Minzcuz ranz vunz ndeu guh diuz sienqmeh, doenggvaq guh gij lwnhgangj hingzsik lai yiengh、 faen loih guh、 caez caeuqfaenh， yungz gij cauhmoq lijlun aen Dangj haeuj ngoenznaengz ginzcung bae, “yungh vahbingzciengz gangj lix dauhleix， yungh vahdoengsug gangj cingcuj dauhleix”, hawj gij “sing’yaem ndei” aen Dangj bienqbaenz “gij yaem ceiq giengz” seizdaih， youq daengx sevei ciengq gok caezguh “Cunghvaz Minz- cuz ranz vunz ndeu， doengzsim caemhcuk loqsiengj Cungguek”， mizyiengh mizcingz mizyauq doidoengh senhconz gyauyuz couqmaenh gij eiqsik Cunghvaz Minzcuz ranz vunz ndeu.（Veiz Sezyenz/韦雪妍）