第十二期

原文: 我乃哪吒三太子，能降妖来会作诗。今日到此除奸恶，尔等妖孽快受死。 ——电影《哪吒之魔童闹海》

译文：

1

Gou couhdwg boux okmingz ndeu,

Mbouj lau beu mbwn daeg Nwzcah;

Vuengzlwg sam Lij Cing mbouj gyaj,

Ak gaj duzfangz maij sij sei.

Ngoenzneix daegdaengq daeuj sousib,

Gyoengq iucing iugvaiq rib caez;

Yawj sou deuz gvaq gizlawz bae,

Vaiqvit bae dai deuz mbouj gib.

（平果市:农国先/Nungz Gozsenh）

2

Gou dwg Nwzcah daeglwg sam,

Ndaej gaemh duzgvaiq vunz caemh gvai.

Ngoenzneix daengz neix cawz iugvaiq,

Gyoengq duzyak sou yaek daingoenh.

（百色市右江区：凌秀香/Lingz Siuyangh）

3

Gou dwg ndaeksam heuh Nwzcah,

Ndaej faenz ndaej foux ndaej gaj fangz.

Ngoenzneix daengz neix gaeb duzfangz,

Fangzyak fangzloengh ndoj mbouj gvaq.

(平果市：黄秀棉/Vangz Siumenz)

4

Gou dwg Nwzcah lwg daihsam,

Ndaej gyangq cinggvaiq rox sij sei.

Vih cawz ganyak ngoenz daengz neix,

Geij lwg fangz sou vaiq lingx dai.

（南宁市武鸣区：黄淑然/Vangz Suzyenz）

5

Gou dwg lwg vuengz boux daihsam, coh heuh Nwzcah, gou ndaej gaeb iugvaiq youh rox sij sei. Ngoenz gou daeuj gaj bang iucing iugvaiq neix, hawj gyoengqde vaiqvaiq caepcawq bae dai lo.

(西林县：黄玉梅/Vangz Yimeiz)

6

Gou dwg Nwzcah sanh daiswj,

Dawz ndaej iugvaiq rox sij sei.

Ngoenzneix daeuj neix cawz yakrwix,

Sou gij iugvaiq vaiq daeuj dai.

（宾阳县：凌莉/Lingz Li）

7

Gou dwg Nwzcah lwgvuengz daihsam,

Gaemh ndaej iucing rox guh sei.

Ngoenzneix daengz neix cawz ganyak,

Gyoengqsou iugvaiq vaiq bae dai.

（上林县：白彩兰/Bwz Caijlanz）

8

Gou dwg Nwzcah sam daihceij,

Ndaej gaemh iugvaiq rox guh sei.

Ngoenzneix daengz neix cawz doegyak,

Iugvaiq aeu dai mbouj aeu lix.

（平果市：陆耀/Luz Yau）

9

Gou dwg Nwzcah sam daiswj,

Gou rox gaeb fangz youh rox sij sei.

Ngoenzneix daeuj neix gaeb fangz rwix,

Fangz rwix sou cix daeuj dai bae!

（南宁市西乡塘区：罗子杰/Loz Swjgez）

10

Gou dwg Nwzcah sam daihceij,

Gaeb iu ndaej lij rox auq sei.

Ngoenzneix daeuj cawz gan ndij yak，

Iucing iugvaiq vaiq ciep fad.

（西林县：黄锋克/Vangz Funghgwz）

11

Gou seih Nwzcah sam daiswj，

Gawq rox dwk fangz rox guh sei；

Ngoenzneix daengz neix cawz fangzrwix,

Sou seih fangzyak cungj hab dai.

（南宁市西乡塘区：滕昱森/Dwngz Yuzswnh）

12

Gou dwg Nwzcah sanh daiswj,

Youh rox gyaep fangz rox raiz sei.

Ngoenzneix daengz giz daeuj cawz yak,

Iucing iugvaiq sou dai ba.

（平果市：黄国观/ Vangz Gozgvanh）

13

Gou heuh Nwzcah daeg daihsam,

Gamj cawz iugvaiq rox guh sei.

Vih cawz ganyak daeuj daengz neix,

Gyoengq iugvaiq sou daeuj deq dai.

（南宁市青秀区：欧阳惠月/Ouhyangz Veiyez）

14

Gou dwg daeg lwg sam bouxvuengz heuh Nwzcah, ak gyangq duzgvaiq cix rox sij sei.

Ngoenzneix daeuj neix coih rwixyak, gyoengq iu nyapnyaj sou yaek dai vaiq di.（南宁市武鸣区：潘邦汉/Banh Banghhan）

15

Gou dwg Nwzcah sam daiswj,

Ndaej hoenx iugvaiq rox eu fwen.

Ngoenzneix daengz neix cawz iugvaiq,

Daengx gyoengq iugvaiq vaiq souh dai. （南宁市青秀区：黄凤娇/ Vangz Funggyauh）

(3)