4 nyied 3 hauh, youq Ginhsiu Yauzcuz Swciyen Ginhsiu Cin Mbanjluzdon, vunzmbanj cingq mbaet sou gij raetdungxyiengz. Seiz Cingmingz dienheiq bienq raeuj, bouxguhnaz cagaenj seiz ndei gyagaenj cin ndaem cin sou, ndaw naz nyaengqdikdik. Gaenh geij bi daeuj, Mbanjluzdon baengh gij swyenz swnghdai youhsi ndei, haenqrengz hwngfat gij swnghdai canjnieb miz daegsaek, cauxbaenz caz、 raetdungxyiengz、 raetcoengz、 yiengsaenq daengj lai diuz lienh canjnieb, daiqdoengh vunzmbanj dangdieg demsou, vih lajmbanj cienzmienh saenqhwng dwk haeuj rengz moq.

(Gauh Yuzginh/高如金)