Gou rah de, sim ngeix naezdaemz yaek lumx daengz aen ndang de gizlawz ni? Yaepyet, gou gag bi gyaeuj, aiq lumx daengz hwet de bw. Mbouj maeh lo. Gou gip ndaeknaez bae dad va’ngaeux, neix ndaej gaij gij haemz simngah cix aeu mbouj ndaej haenx. Daxboh gyae’gyae yawj gou, bak de gamz ganj nywj ndeu, mbouj oksing. Danci youq gwnz roen gyawj baihlaeng de, laengci cug roengq gaeq ndeu, duzgaeq gueng haeuxdaeq majhung haenx, bwn ruemjngaeuz, dinghdingh youq ndaw roengq. Gou youq henz daemz gip ndaej haujlai labsab deng gou dangq baujboiq haenx, dawz bae hawj daxboh yawj, de mbouj yawj gijneix, cix dwg haeujsim yaeb ok gij faet gwnz buhvaq gou. Gvaqlaeng miz mozdozceh le, dou lij youq neix yietnaiq. Seizhaenx gou doeg cuhcungh. Daenj buhhagdangz caeuq de bae ranzcoj baiqcieng, najbyak gou haihij hwnj lwgcaeuz, lij rox dingj bak dem, daxmeh、goeng、buz gou cungj mbouj dawz haeujda, hoeng, gou engq gyaez daxboh gou. Moix baez daengz henz daemz yietnaiq, gou cungj gauj daxboh heuh de son gou hai mozdoz. De dawz gij nienzhuq laengci roengz, hawj gou naengh baihnaj de, de song gen humx gvaqdaeuj caeuq gou caemh gaem soujbaj, nai gou fwngzgvaz mbaeumbeng gya di youzmonz. Gou cix roengz fwngz naek lai, mozdozceh fwt bongh bae, bongh roengz mieng henz roen bae. Lij ndei, seizdoeng mieng hawq, hix mbouj suenq laeg, vunz caeuq ci caemh laemx ndaw mieng, suenq dwg miz ging fouz yiemj. Daj baezde hwnj, moix bi cieng co’ngeih ma ranzcoj, donhroen daemzngaeux bae daengz ranzcoj cungj dwg gou hai ci, de youq baihlaeng simgip dwk laemxdaemh heuh gou soeng youzmonz, hoeng, gou maez hai yaenz, rumz geujhuhu boq haeuj naj daeuj, naj miz di maz caemh miz di humz, gvaqyinx dangqmaz, gou dwgmaez cungj gamjsouh neix, hai yaenz faenh gou, caih de youq baihlaeng simgip lumj feizcoemh nei hemqcaca.

Gauhcungh seiz, gou mbouj ngah hai mozdozceh lo, cixdwg naengh baihlaeng de lumj naengh danci nei dawz song ga dauq mbiengj ndeu, itloh gyaet ngveihgva, yaem gou nyig rumz biyagyag. Daengz daemzngaeux dou lij lumj seizgaeuq nei daengx yietnaiq, daxboh vanzlij naengh henzdaemz, gou cix ra diegnywj haemq seuq ndeu, aj gen aj ga ninz gwnzde, nditraeuj riz aennaj coz gou. Seizhaenx, gou mbouj rox de vihmaz gyaez buenqloh yietnaiq, hoeng, gou haihij youq ndawsim rox doekcaw de lo. De youq ranz noix gangjvah, gou yawjraen gij nyaenxnaih caeuq godog de, gou nyienh buenx de guh di saeh yienznaeuz gou mbouj mingzbeg hoeng ndaej hawj de vuenheij haenx. Hwnj gauhcungh le, gou hix bienq ndaej mbouj maij gangjvah lo, daegbied dwg caeuq daxmeh, songdou buenq ndwen gangj mbouj daengz coenz vah ndeu. Youq mbaeklae laepngau doxbungz seiz, de ngengq ndang dep ciengz, nyiengh roen hawj gou gvaqbae gonq. Gou roxnyinh de mizdi lau gou, mbouj rox de vihmaz lau, engq mbouj rox de lau maz······

Caeuq daxboh baenzlai bi mbouj lienzhaeh, gou ciengzseiz ngeix daengz daemzngaeux caeuq gij guhcaemz henz daemz, hix ngeix daengz gij yiengh de dinghdingh naengh henz daemz haenx. Gvaqlaeng, gou boux ndeu ndaej bae daemzngaeux gvaq geij baez, daemz lij youq, hoeng, va’ngaeux mbouj miz lo, cij miz daemzraemx gvangqlangh ndeu. Youq giz gungxdaemz liz goengloh ceiq gyae haenx, miz song aen bungzciengxbit, bungz dwg aeu sat humx baenz. Banringz, bang bithau he caenx youq lajbungz. Ndit ciuq najdaemz, rumz ci daeuj, najraemx fubfeb, migmyanmyan. Mbouj miz ci gvaq seiz, gizneix caemrwdrwd, hawj vunz roxnyinh siliengz······Seizneix siengjsiengj, ranzcoj lajmbanj de dauq mboujndaej bae, ranz ndawsing de yungz mbouj haeujbae, de cijnaengz youq buenq loh ndawsingz bae lajmbanj haenx daengx saekgwq, supheiq saekyaep, lumj duznyaenlaux siliengz ndeu gag nai swhgeij.

Gou mbouj siengj youq dangqnaj de angj gij vuenyungz swhgeij, caeuq Daeglingz guhyoux le, gou mingzbeg gvanbaz song boux aeu caensim doxndiep, caen’eiq doxgingq, neix dwg dag gij dohsoq vuenyungz vunhyinh haenx. Hoeng, daxboh gou, lumjbaenz coengzlaiz mbouj aeundaej gvaq gijneix.

“Caengz guhyoux.”Gou naeuz, cim fwngzlwg ndoqndat de.

“Mbouj guhyoux, byawz ungjcungh mwngz baenz yienghneix? Guhyoux le aeu ndeindei daih de, mbouj ndaej baengh de cungj mwngz cix vadmanz euqsingq bw.” De naeuz. Gou roxnyinh sim’in, gou laihnaeuz de dwg gangj de swhgeij. Aen vunhyinh de caeuq daxmeh, cigdaengz de lizbae, gou caengz raen de gangj maz gvaq.

“Gou rom ndaej di cienz ndeu.” De youh naeuz lo, dawz gaiq gaugyaeq doi daengz dangqnaj gou.

“Gou mbouj gwn, samj myaiz mwngz lo.” Gou riu naeuz, youh dawz gaugyaeq doi dauq hawj de, siengj hawj de gwn liux. “Gou mbouj aeu ngaenz mwngz.” Gou youh naeuz.

“Mwhgonq mwngz youq ranzhag, lau mwngz luenh sai ngaenz, gou cij hawj mwngz ngaenzhag caeuq ngaenzgwnyungh, gizwnq cienzbouh rom hwnjdaeuj, ce hawj mwngz baenzranz. Mbawgaj mwngz dawz haenx, mbawsa geiq canghau gou dwk doek lo, gou senj diegmoq, ngaenz gou rom youq mbawgaj moq ndeu.”De gag gangj gag naeuz.

“Geij bi neix mwngz youq gizlawz?”Gou cam de, mbouj ciep gij vah de.

“Youq dieghong, guh cangranz baenzlawz mbouj miz diegyouq ne.” De riunyumj.

（7）

我望着他，琢磨这塘烂泥会淹没到他什么部位，然后暗自摇摇头，也许会到他的腰部的。只好作罢。我在岸边抓起土块朝那些莲蓬掷过去，以解爱而不得之恨。我爸远远看着我，嘴里咬一截草根，不吭声。我们的自行车立在他身后不远的路边，车的后座上绑一只鸡笼，里面的玉米鸡毛色光亮，很安静。我在荷塘边上捡拾到不少被我当作宝贝的垃圾，捧回来给他看。他看也不看，细心摘掉沾在我衣裤上的骆驼刺。后来有了摩托车，我们还是会在这里停一停。那时候我已经上初中了，穿着校服去他老家拜年，额头上开始零零星星长青春痘，开始会顶嘴，我妈、爷爷和奶奶全不放在眼里，但和我爸的关系却变得更好了。每次到池塘边上，我便开始缠他教我开摩托车。我爸把挂在后座上的礼品取下来，让我坐到他前面，他在后面双手围过来和我一起抓住车把，告诉我右手轻轻拧油门。但我下手太重了，摩托车一下子猛然向前蹿出去，一头扎进路边的排水沟里。幸好是冬季，水沟早已干涸了，而且沟也不深，我们和车一起摔在沟里，算是有惊无险。到初二时，从池塘往他老家去的路基本上就是我开了，他在后边一个劲叫我松油门，但我非常迷恋开快车时风从脸上刮过的麻酥酥的感觉，由他在后边心急火燎地叫喊。

高中时我对摩托车又不感兴趣了，开始像坐自行车那样，歪着只坐一边，一路嗑瓜子，让冬日上午冰凉的风猎猎招展我的头发。我们依然会在荷塘边停下来，我爸一成不变地坐在荷塘边上，我选一处干净草地摊开四肢躺下，让阳光暖暖流淌在年轻的脸庞上。那时候我并不知道他为何老喜欢在半途停下坐一坐，但我已经开始会在心里体恤他了。他在家里几乎不说话，我看到了他的隐忍与孤独，愿意陪他做一些我所不理解但能让他高兴的事情。上高中后我也变得日渐不爱说话了，尤其是和我妈，常常半个月都说不上一句。在黑暗而狭窄的楼梯上相遇，她会本能般地贴着墙壁给我让出地方，让我先过去。我隐隐感觉她对我有种忌惮，不知因何而来的忌惮，更不知她忌惮的是什么……

在与他断联的这些年，我常常会想起我们在途中碰到的那片荷塘以及荷塘边的一切，他安静地坐在荷塘边的模样。我甚至独自去过几次那片池塘，池塘还在，但荷花已了无踪影，只剩下一片浩荡的水面，在离公路最远的池塘一角边上，搭建有两个用竹席当围墙的棚子，是两个养鸭棚。午后，一群白毛鸭子挤挤挨挨浮在棚子下，阳光落在池面上，微风一吹，池面一片金光闪烁，没有车经过时，那里的安静能让人滋生出无限的忧伤……现在想一想，乡下的家他再也回不去了，城市的家他又融不进去，也许只能在乡下与城市的中间地带稍作停顿，喘一口气，像一只忧伤的老兽暗自抚慰自己。

我不想在他面前炫耀我的幸福，和凌交往后，我明白了爱人之间的坦诚与真心相待相惜程度足可决定一段情感的幸福度。而我爸，他似乎从没得到过这些。

“没谈。”我说，盯住那截光秃秃的手指。

“没谈谁把你惯成这样？谈了要好好待人，不能仗着人家对你好就刁蛮任性。”他说。我一阵心酸，不知他是不是有感而发。对于他和我妈的婚姻，直至他离开，我也未见他说过什么。

“我攒了些钱，”他又说，把那碟蛋糕堆到我面前。

“我不吃，都是你的口水。”我笑着说，又推回去给他，想让他吃完这块黑森林。“我不要你的钱。”我又说。

“以前你还在学校，我只打给你学费和生活费，担心你乱花钱，都攒起来留给你成家了。你拿的那卡，记账号的纸片我弄丢了，我搬了新住处，钱我存在新的卡里了。”他自顾自地说。

“这些年你都住哪里了？”我问他，没接他的话。

“住工地嘛，搞装修的哪里会没地方住。”他笑起来。