第十二期

原文: 从来生死都看淡，专和老天对着干。我命由我不天，小爷成魔不成仙。 ——电影《哪吒之魔童闹海》

译文：

1

Gou dai rox lix mbouj youqgaenj,

Seiqvunz saenqdiuz miz diuz ndeu.

Cienmonz caeuq mbwn guh euqgeuz,

Mbouj lau beu mbwn gaet daengz daej.

Minghhoen gou youz gou guhcawj,

Duzlawz lawh gou cungj mbouj baenz.

Cingznyienh dang soengset fangz caen,

Mbouj guh saenzsien mbouj guh gyaj.

（平果市:黄凤丽/Vangz Fungli）

2

Coengzlaiz dailix gou mbouj lau,

Cienmonz caeuq mbwn bae doxdingj;

Mingh gou youz gou mbouj youz mbwn，

Baenz fangz hix mbouj baenz guh sien.

(西林县：梁锋/Liengz Fungh)

3

Coengzlaiz dailix cungj yawj cit, cienmonz caeuq mehmbwn guh doxdingj.

Mingh swhgeij caih gou mbouj gven mbwn, gou lwgnuengx iq neix nyienh baenz iucing hix mbouj guh sien.

（平果市：黄启维/Vangz Gijveiz）

4

Gou soqlaiz mbouj dawz gij saeh vunz dai vunz lix cuengq haeujsim, daegdingq yienghyiengh caeuq aenmbwn guh doxdingj, mbouj hawj aenmbwn heifouh. Gou nyinhnaeuz mingh gou youz gou gag gaemdawz, mbouj youz aenmbwn daeuj gietdingh, gou dwg daegmbauq baenz duzfangz ak mbouj baenz duzsien yaez.

(田东县：黄秋琪/Vangz Ciuhgiz)

5

Coengzlaiz dailix mbouj yawjnaek,

Cienmonz caeuq mbwn guh doxdingj.

Mingh gou youz gou mbouj youz mbwn,

Gou yaek baenz fangz mbouj guh sien.

（上林县：覃悦/Cinz Yez）

6

Gyaemax dailix cungj yawj cit, cienmonz ndij mbwn doxdingj guh. Mingh gou youz gou mbouj youz mbwn, gou goengyez iq baenz gvaiq mbouj baenz sien.

（平果市：李文妹/Lij Vwnzmei）

7

Gou daeuj lajmbwn mbouj lau dai,

Laih caeuq aenmbwn doxdoiq guh.

Mingh gou caih gou mbouj caih mbwn,

Goeng iq baenz fangz mbouj baenz sien.

（宾阳县：凌少华/Lingz Sauvaz）

8

Dailix sojlaiz miz,

Gou ndi yawj haeujsim；

Cienmonz hoenx vuengzmbwn,

It sim dengj daengz daej.

Ndeirwix dwg mingh gou,

Mbouj youz mbwn anbaiz；

Gou goengnoix gag gvai,

Bienq gvaiq ndi coengz mbwn.

（来宾市兴宾区：何宗柳/Hoz Cunghliuj）

9

Baenzciuh gou cungj mbouj lau dai,

Mbwn heuh guh saeh vut gvaq baih.

Mingh gaem gyangfwngz mbouj gingq mbwn,

Guh fangz ndei gvaq sien cihcaih.

（平果市：梁金海/Liengz Ginhhaij）

10

Dwg gou caeux daeuj cungj mbouj lau dai,

Nyengh caeuq mbwn dingjgeng.

Mingh gou gag dingh mbouj youz mbwn，

Bouxcoz gou baenz fangz mbouj baenz sien.

（南宁市武鸣区：黄美菊/Vangz Meijgiz）

11

Itcig doxdaeuj, doiq gij saeh seng caeuq dai yiengh saehcingz hungnaek neix, gou cungj mbouj dawz haeujsim, yungh cungj daidu lauxsaed ndeu bae doiqdaih, caemhcaiq cienmonz caeuq mbwn doxdingj, mbouj fug gij minghyinh aenmbwn anbaiz.

Gij mingh gou dwg youz bonjfaenh gou gaemguenj, cix mbouj dwg youz mbwn daeuj gietdingh, gou cingznyienh bienqbaenz fangz, hix mbouj nyienh baenz bouxsien fug riengz dienmingh.

(西林县：黄志伟/Vangz Civeij)

(2)