第十二期

原文: 天雷滚滚我好怕怕，劈得我浑身掉渣渣。突破天劫我笑哈哈，逆天改命我吹喇叭。嘀嗒嘀嗒嘀嘀嗒。 ——电影《哪吒之魔童闹海》

译文：

1

Byaj maenjhumhum gou lau lailai,

Bag ndaej gou daengx ndang doek nyaqnyaq.

Cungbyoengq ngoenzdai gou riuhaha,

Nyig mbwn gaij mingh gou boq laxba.

Dida dida didi da.

（凤山县：白海/Bwz Haij)

2

Byaj ndongq bag daeuj caen dwglau,

Bik ndaej daeng ndang saenqyauyau.

Bongh gvaq cainanh angqvauvau,

Fanj mbwn gaij mingh daeuj boq hauh.

Bizbaz bizbaz rwenz doxgyau.

（西林县：岑立秋/Cwnz Lizciuh）

3

Duzloiz gwnzmbwn sing maenjloemloem,

Bag gou ndang loemq hanh heu doeksoeg.

Byoengq mbwn buq nanh gou riuroekroek,

Nyoek dien gaij mingh gou boq lijled.

Dijded dijded dijdij ded.

（田东县：黄彩线/Vangz Caijsen）

4

Byajraez rungrung gou lau lailai,

Bag dwk gou daengx ndang faenj doek bae,

Cungbyoengq gunnanz gou riuhaha,

Fanj mbwn gaij mingh gou boq lahbah.

Dit da dit da ditdit da.

（东兰县：黄春定/Vangz Cunhding）

5

Byajraez rumrum gou saenzndiengndieng,

Bag deng gou cienz ndang loenqnyaqnyaq.

Roemx byoengq daihnanh gou riuhaha,

Nyig mbwn gaij mingh gou boq loxlez,

Di ded di ded didi ded.

(平果市:黄华婷/Vangz Vazdingz）

6

Byajraez humhum gou vuenglau,

Bag dwk ndang saenz bwn hix loenq.

Cungbyoengq mbwnnanh gou riuhaha,

Nyig mbwn gaij mingh loxlez boq hwnj yiengjee,

Dikdak dikdak dikdik dak.

（平果市：黄立波/Vangz Lizboh）

7

Byajraez ruru gou caen lau,

Bag daengz ndang gou hoenznaunau.

Hamj gvaq haemzhoj gou riuangq,

Dauj mbwn gaij mingh gou boq hauh.

Dikdak dikdak dikdik dak.

（平果市：潘莉琴/Banh Liginz）

8

Byajraez rumrum gou heiqmemmem,

Cek dwk gou daengx ndang saenzdetdet.

Cungbyoengq cainanh gou riugetget,

Famh mbwn gaij mingh gou boq loxlez.

Dijdet dijdet dijdij det.（南宁市武鸣区：黄锦艳/Vangz Ginjyen）