Sinhvazse Baekging 3 nyied 15 hauh dienh 《Giuzsi》 Cazci geiz daihroek 3 nyied 16 hauh okbanj de fat bien faenzcieng youqgaenj《Dawzmaenh Caeuq Doekguh “Song Aen Mbouj Doenghhonz Saek Di”》 Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz. Neix dwg mbaet aeu mizgven lwnhgangj youqgaenj duenhseiz 2013 nienz 11 nyied daengz 2025 nienz 2 nyied Siz Ginbingz cungjsuhgi.

Faenzcieng daegbied gangj daengz, aen dangj raeuz mingzbeg、itloh dawzmaenh aen cidu gihbwnj ginghci, caemhcaiq mboujduenh gyalaeg, mbouj doenghhonz gvaq. Aen cidu gihbwnj ginghci guek raeuz raiz haeuj yenfaz、dangjcangh, neix mbouj bienq ndaej, hix mbouj ndaej bienq. Dangj caeuq guekgya dawzmaenh caeuq guh ndei aen cidu gihbwnj ginghci sevei cujyi, mbouj doenghhonz saek di gyamaenh caeuq hwngfat gunghyoujci ginghci, mbouj doengh- honz saek di gikcoi、haeujcoengh、dazyinx mbouj dwg gunghyoujci ginghci hwngfat; dangj caeuq guekgya baujcingq gak cungj sojyoujci ginghci ei fap bingzdaengj yungh gaiq guh swnghcanj、goengbingz caeuqfaenh hawciengz doxceng、caemhcaez deng faplwd baujhoh, coihaeuj gak cungj sojyoujci ginghci gijndei doxbouj、caemhcaez hwngfat, coihaeuj mbouj dwg gunghyoujci ginghci hwngfat cangqheiq caeuq vunz guh mbouj dwg gunghyoujci ginghci cangqheiq majhung.

Faenzcieng ceijok, guek raeuz dwg aen guekgya sevei cujyi Cunghgoz Gungcanjdangj lingjdauj, gunghyoujci ginghci dwg itloh doxdaeuj guekgya ginggvaq hwngfat guh baenz, bang hwnqguh guekgya、gozfangz ancienz、gaijndei gij gwndaenj bouxminz ok goengrengz yienhda, dwg gaiq cienzcaiz dijbauj daengxcungq boux- minz. Gozyouj giyez bang guek raeuz gaiq hong hwngfat ginghci aenbiengz、gohgi baenaj、hwnqguh gozfangz、gaijndei gij gwndaenj bouxminz ok goengrengz doenghbaez caengz miz gvaq, dwg gaiq saeu dingj youqgaenj caeuq gij rengz ingbaengh aen dangj raeuz gaemgienz hwng guek. Hwnqguh ndei gozyouj giyez, hawj gunghyinz gaihgiz lai miz yungh, caeuq gyamaenh aen diegvih aen dangj gaemgienz、gyamaenh guek raeuz aen cidu sevei cujyi miz yungh laidaih.

Faenzcieng ceijok, guek raeuz mbouj dwg gunghyoujci ginghci daj iq daengz hung、daj nyieg bienq ak, dwg ndaej daengz dangj caeuq guekgya raeuz fuengcim cwngcwz dazyinx guh baenz. Itloh doxdaeuj, guek raeuz mbouj dwg gunghyoujci ginghci hwngfat riengjret, youq onjdingh demmaj、coihaeuj cauhmoq、gyalai guhhong、gaijndei gij gwndaenj bouxminz daengj fuengmienh miz yungh hung. Gaijgwz haicuengq caeuq aen saehnieb hwnqguh sevei cujyi yendaiva aen diegvih minzyingz ginghci baenzlawz caeuq de miz mbouj miz yungh、dangj caeuq guekgya gij fuengcim cwngcwz doiq minzyingz ginghci hwngfat, dangj raeuz lijlun caeuq saedguh dwg caemhmeg doxcienz、caeuq seizdaih caemh yamq. Dangj caeuq guekgya gij fuengcim cwngcwz doiq minzyingz ginghci hwngfat, gaenq gvihaeuj daengx aen cidu sevei cujyi miz gij daegsaek Cungguek, yaek daj gyaeuj daengz rieng dawzmaenh caeuq doekguh, mbouj ndaej bienq, hix mbouj bienq. Raeuz itloh aeu minzyingz giyez caeuq minzyingz giyezgyah guh vunz bonjfaenh, mwh minzyingz giyez bungz hojnanz bae bangcoengh, mwh minzyingz giyez bungz hojnanz bae sonyinx. Seizdaih moq duenh roen moq minzyingz ginghci hwngfat baenaj roen gvangqlangh、baenz guh lai, gyoengq minzyingz giyez caeuq minzyingz giyezgyah langh bonjsaeh cingq hab seiz.

Faenzcieng ceijok, raeuz daegbied gangj daengz aeu gunghyoujci ginghci gyamaenh ndei、hwngfat ndei, caeuq gikcoi、haeujcoengh、dazyinx mbouj dwg gunghyoujci ginghci hwngfat mbouj dwg doiqdingj, cix dwg caemhcaez ndeindi. Gunghyoujci ginghci caeuq mbouj dwg gunghyoujci ginghci cungj dwg dingz gapbaenz youqgaenj sevei cujyi hawciengz ginghci, cungj dwg aen giek youqgaenj guek raeuz ginghci aenbiengz baenaj. Guekgya raeuz baenzneix hung、gyaeujvunz baenzneix lai, youh youq caemhcaiq yaek ciengzgeiz youq duenh cogaep sevei cujyi, yaek aeu ginghci aenbiengz guh hwnjbae, couh aeu gak baih caezhoz comz rengz daeuj guh, vunzlai gip fwnz feiz dawz foengx. Gunghyoujci ginghci、mbouj dwg gunghyoujci ginghci hab doxbouj doxbang、doxgap cij baenz, mbouj hab doxdawz、doxdingj. Aeu laebdin duenh cogaep sevei cujyi, itloh dawzmaenh aen fuengyiengq gaijgwz seivei cujyi hawciengz ginghci, dawzmaenh “song aen mbouj doenghhonz saek di”.